Янушкоўскі Іван Іванавіч нарадзіўся 15 мая 1913 года ў в. Пыжы Лёзненскага раёна ў сялянскай сям'і.

Да вайны працаваў у Віцебску на мэблевай фабрыцы, на будаўніцтве электрастанцыі. У Савецкай Арміі з 1932 года. У 1939 годзе скончыў Кіеўскае артылерыйскае вучылішча. На фронт трапіў у кастрычніку 1941 года. Ваяваў у перадавых частках Заходняга, Ленінградскага, 2-га Украінскага франтоў.

Камандзір мінамётнага палка гвардыі маёр І. І. Янушкоўскі вызначыўся ў баях на тэрыторыі Румыніі. 18 верасня 1944 года з групай салдат і афіцэраў ён уступіў у бой супраць роты аўтаматчыкаў, асабіста знішчыў каля 20 гітлераўцаў. Загінуў у гэтым баі.

Званне Героя Савецкага Саюза І. І. Янушкоўскаму было прысвоена 24 сакавіка 1945 года пасмяротна. Таксама ён узнагароджаны ордэнамі Леніна, Чырвонага Сцяга, Айчыннай вайны I ступені, медалямі.

Імя Героя носіць адна з вуліц г. Віцебска. На Алеі Славы ў г. п. Лёзна знаходзіцца стэла ў гонар І. І. Янушкоўскага.

ЛІТАРАТУРА

1. Героев знать поименно // Народнае слова. – 2013. – 22 студз. – С. 7.

2. Курбацкі, Ф. Сімвал неўміручасці / Ф. Курбацкі // Віцебскі рабочы.– 1980. – 16 кастр. – С. 2.

3. Подлипский, А. На старом погосте / А. Подлипский // Сцяг Перамогі (Лёзна). – 2008. – 24 снеж. – С. 7.

4. Самущенко, О. Предположение не подтверждается / О. Самущенко // Сцяг Перамогі (Лёзна). – 2009. – 6 студз. – С. 3.

5. Шахавенка, С. Герой сталінградскай загартоўкі / С. Шахавенка, Е. Скажонак, І. Марчанка // Віцебскі рабочы.– 1968. – 9 мая. – С. 2.

6. Янушковский Иван Иванович // Неман. – 1968. – № 5. – С. 56.

7. Янушковский Иван Иванович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн, 2011. – Т. 2 : Витебская область : в 2 кн. – Кн. 2. – С. 633.

8. Янушковский Иван Иванович // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 154.

9. Янушковский Иван Иванович // Твои сыновья, Беларусь! Герои Советского Союза : биографический справочник / ред.: Ю. В. Баженов [и др.] ; худ. ред. П. В. Баранов. – Минск : БелЭн імя П. Броўкі, 2015. – С. 154.