Даргель Славамір Рыгоравіч
Даргель Славамір Рыгоравіч нарадзіўся 30 студзеня 1951 года ў в. Белеўцы Мёрскага раёна. Пісьменнік.
Пасля заканчэння васьмігадовай школы некаторы час працаваў настаўнікам фізічнай культуры. Служыў у Савецкай Арміі, пасля працаваў у органах унутраных спраў. Пасля заканчэння юрыдычнага факультэта Беларускага дзяржаўнага ўніверсітэта 25 гадоў працаваў юрысконсультам у арганізацыях г. Мінска. Пасля выхаду на пенсію працаваў інжынерам па ахове працы.
Літаратурную дзейнасць Славамір Даргель пачаў яшчэ ў школьныя гады. Друкаваўся ў раённай газеце «Міёрскія навіны», часопісе «Белая вежа». Піша пра ваеннае і сельскае жыццё, родную прыроду.
У 2012 годзе была надрукавана яго першая кніга апавяданняў «Зямное шчасце», потым – кніга «300 кіламетраў ад сталіцы» (2013), «Пад крылом лебядзіным» (2015), «Судьбы моей хозяин» (2015), «На скрыжаваннях лёсу» (2015), кніга для дзяцей «Мае сябры каты» (2015), «Няроўны шлюб» (2016) і «На вёску да дзядулі» (2016), «Жанчына з маіх сноў» (2017), «Над хмарамі чыстае неба» (2017), «Журавель у небе» (2017), «У зямлі нашы карані» (2019). escortstars.ch
Славамір Рыгоравіч Даргель – лаўрэат Міжнароднага літаратурнага конкурсу «Сям'я – Яднанне – Айчына», літаратурнага конкурсу Саюза пісьменнікаў Беларусі, прысвечанага 70-годдзю Вялікай Перамогі, за дакументальную прозу.
Член Саюза пісьменнікаў Беларусі.
ЛІТАРАТУРА
1. Басікірская, А. Васька ні разу не трапіў на кручок / А. Басікірская // Міёрскія навіны. – 2016. – 16 студз. – С. 8.
2. Басікірская, А. Дваровая тэрыторыя / А. Басікірская // Міёрскія навіны. – 2016. – 13 жн. – С. 8.
3. Басікірская, А. Добры інспектар / А. Басікірская // Міёрскія навіны. – 2017. – 27 чэрв. – С. 6.
4. Басікірская, А. З юбілеем, дарагі земляк! / А. Басікірская // Міёрскія навіны. – 2015. – 31 сак. – С. 3.
5. Басікірская, А. «Працінае, нібы токам» / А. Басікірская // Міёрскія навіны. – 2017. – 17 студз. – С. 7.
6. Матэленак, Л. Не зарасці пракладзенаму следу: Славамір Даргель / Л. Матэленак // Міёрскія навіны. – 2018. – 6 лют. – С. 7.
7. Матэленак, Л. Перапляценне лёсаў / Л. Матэленак // Міёрскія навіны. – 2018. – 6 лют. – С. 7.
8. Матэленак, Л. Урок шчасця / Л. Матэленак // Міёрскія навіны. – 2017. – 23 мая. – С. 6.
9. Рынкевіч, К. Крок наперад і два назад / К. Рынкевіч // Міёрскія навіны. – 2016. – 1 снеж. – С. 4.
10. Славамір Даргель – вядомы і невядомы // Міёрскія навіны. – 2013. – 16 ліп. – С. 6.
СПАСЫЛКІ
