Загурская Галіна Пятроўна
Загурская Галіна Пятроўна нарадзілася 15 студзеня 1945 года ў в. Лявонпаль Мёрскага раёна. Паэтэса, мастачка.
У 1967 годзе скончыла фізіка-матэматычны факультэт Віцебскага педагагічнага інстытута імя С. М. Кірава. Працавала настаўнікам у Лявонпальскай сярэдняй школе, у школе ў в. Жодзішкі Смаргонскага раёна Гродненскай вобласці.
З 1973 года жыве ў Полацку. Працавала ў Полацкім медыцынскім вучылішчы, у прафесійна-тэхнічным вучылішчы № 66, Цэнтры рамёстваў і нацыянальных культур.
Малюе з дзяцінства. Прымае ўдзел у шматлікіх выставах і конкурсах. У кнізе «Майстры і мастакі Віцебшчыны» мастачцы Галіне Загурскай прысвечаны артыкул.
Паэзіяй Галіна Пятроўна пачала займацца ў сталым узросце. У 2007 годзе выйшаў яе першы лірычны зборнік «З далоняў сэрца», у 2009 годзе – «Да зямлі прытуліцца», у 2013 годзе – «З росаў святаянных», за які паэтэса была ўдастоена літаратурнай прэміі імя У. Караткевіча. У 2017 годзе выйшаў чарговы зборнік лірыкі – «У месяцовым перламутры», а ў 2019 годзе – «Бераг зарападаў».
Друкавалася ў газетах: «Полацкі веснік» (http://pridvinie.vlib.by/index.php/drukavanyya-smi/218-suchasnyya-smi/3653-polatski-vesnik-gazeta-polatski-rajon-g-polatsk), «Краязнаўчая газета», «Літаратура і мастацтва», «Голас Радзімы», «Міёрскія навіны», «Витебские вести», у часопісах: «Маладосць», «Полымя», «Гаспадыня», у абласных і рэспубліканскіх выданнях. Дзесяць гадоў была рэдактарам народнага літаратурнага аб'яднання «Наддзвінне» (Полацк). (http://pridvinie.vlib.by/index.php/polatski-rajon/254-kultura/damy-i-palatsy-kultury-mastatskaya-samadzejnasts/3730-ab-yadnanne-narodnae-litaraturnae-naddzvinne-polatski-rajon-g-polatsk)
З 2010 года – член Саюза пісьменнікаў Беларусі.
ЛІТАРАТУРА
1. Баравік, Н. Вершы аб роднай мове з архіўных фондаў / Н. Баравік // Архівы і справаводства = Архивы и делопроизводство. – 2020. – № 1. – С. 110–114.
2. Загурская Галіна Пятроўна // Дзвіна. Віцебшчына літаратурная : альманах / уклад. Т. І. Краснова-Гусачэнка. – Минск : Чатыры чвэрці, 2017. – С. 75–83.
3. Матэленак, Л. Малюе словам / Л. Матэленак // Міёрскія навіны. – 2013. – 17 снеж. – С. 6.
4. Не зарасці пракладзенаму следу: Галіна Загурская // Міёрскія навіны. – 2017. – 26 верас. – С. 6.
5. Філімонава, Т. Паэтка і мастак / Т. Філімонава // Полацкі веснік. – 2010. – 29 студз. – С. 15.
6. Філімонава, Т. Пра тое, што адчуваю... / Т. Філімонава // Полацкі веснік. – 2015. – 4 снеж. – С. 7.
7. Шпакоўская, Г. І будуць «Сорак саракоў» / Г. Шпакоўская // Витебские вести. – 2015. – 5 дек. – С. 6.
СПАСЫЛКІ
