Лызікаў Анатоль Мікалаевіч нарадзіўся 29 кастрычніка 1952 года ў Віцебску. Вучоны ў галіне хірургіі. Доктар медыцынскіх навук, прафесар. Акадэмік Расійскай акадэміі прыродазнаўчых навук.

У 1974 годзе скончыў Віцебскі медыцынскі інстытут, у 1974 годзе – аспірантуру. 3 1982 года пачаў працу ў Віцебскім дзяржаўным медыцынскім універсітэце, у 1998–2000 гг. – загадчык кафедры. У 1995 годзе арганізаваў і ўзначаліў Рэспубліканскі навукова-практычны цэнтр «Малаінвазійная хірургія». У 1998–2000 гг. А. М. Лызікаў – загадчык аддзялення малаінвазійнай хірургіі Віцебскай абласной клінічнай бальніцы.  З 2000 года – прарэктар па лячэбнай рабоце Гомельскага дзяржаўнага медыцынскага ўніверсітэта, з мая 2007 года – рэктар гэтай навучальнай установы. А з 2014 года Анатоль Мікалаевіч узначальвае кафедру хірургічных захворванняў універсітэта.

Аўтар шэрагу навуковых прац па энтэральным зондавым харчаванні пры захворваннях органаў брушной поласці, дыягностыцы і лячэнні захворванняў з дапамогай малаінвазійнай хірургіі.

Узнагароджаны медалём «За заслугі ў сферы адукацыі» і інш. «Выдатнік аховы здароўя СССР», «Выдатнік аховы здароўя Рэспублікі Беларусь».

ЛІТАРАТУРА

1. Лызікаў Анатоль Мікалаевіч // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 1999. – Т. 9 : Кулібін–Малаіта. – С. 382.

2. Лызікаў Анатоль Мікалаевіч // Памяць: Віцебск : гісторыка-дакументальныя хронікі гарадоў і раёнаў Беларусі : у 2 кн. / рэдкал.: Г. П. Пашкоў [і інш.] ; склад. А. І. Мацяюн ; мастак Э. Э. Жакевіч. – Мінск : БелЭн, 2003. – Кн. 2. – С. 531–532.

3. Лызиков, А. «Мы все идем по стопам своих дедов» / А. Лызиков // Віцьбічы = Витьбичи. – 2008. – 17 янв. – С. 4.

4. Лызиков Анатолий Николаевич // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 89.

5. Лызиков Анатолий Николаевич // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн імя П. Броўкі, 2007. – Т. 4 : Картография–Миноговые. – С. 573.

СПАСЫЛКІ

 Ректор Гомельского медуниверситета Анатолий Лызиков отметил своё 65-летие