Афганистан. Без права на забвение

Афганистан. Без права на забвение

Афганистан. Без права на забвение

Художники Витебщины

Художники Витебщины

Художники Витебщины

Музей гісторыі Аршанскага каледжа ВДУ імя Машэрава. Аршанскі раён, г. Орша

 

Сучасная назва «Музей гісторыі Аршанскага каледжа ВДУ імя Машэрава»
Тып установа культуры
Дата заснавання 1966
Месца знаходжання  Віцебская вобласць, Аршанскі раён, г. Орша

 

Мэта дзейнасці музея – захаваць гістарычную памяць, сувязь пакаленняў, традыцыі айчыннага настаўніцтва, забяспечыць іх пераемнасць, выхаваць любоў да Радзімы, адданасць педагагічнай прафесіі.

Музей дзейнічае на грамадскіх пачатках, кіруе яго работай савет, у склад якога ўваходзяць прадстаўнікі ветэранаў педагагічнай працы, выкладчыкаў і навучэнцаў каледжа.

Праца ажыццяўляецца па наступных напрамках:

– пошукава-даследчая дзейнасць;

– навукова-метадычная апрацоўка сабранага матэрыялу, папаўненне фондаў;

– афармленне і экспанаванне матэрыялаў;

– падрыхтоўка экскурсаводаў і правядзенне экскурсій;

– арганізацыя на базе музея выхаваўчай, прафарыентацыйнай работы.

Вынікам пошукавай дзейнасці педагогаў і навучэнцаў з'яўляецца папаўненне фондаў музея экспанатамі і матэрыяламі аб дзейнасці навучальнай установы, выкладчыкаў і выпускнікоў: рэчавымі помнікамі, дакументамі, фотаздымкамі, успамінамі, матэрыяламі перыядычным друку і інш.

Фонды музея налічваюць каля 10 тысяч адзінак захавання. Найважнейшымі напрамкамі работы музея з'яўляюцца афармленне і экспанаванне матэрыялаў. Пастаянна дзеючая экспазіцыя музея размешчана ў трох залах:

– «Стварэнне і развіццё навучальнай установы ў 1911–1939 гг.»;

– «Удзел выкладчыкаў і навучэнцаў каледжа ў Вялікай Айчыннай вайне»;

– «Дзейнасць каледжа ў 1946–2011 гг.».

Наяўнасць вялікай колькасці матэрыялаў у фондах музея дазваляе не толькі абнаўляць пастаянна дзеючую экспазіцыю, але і ствараць да памятных дат тэматычныя выставы. Напрыклад: «Выкладчыкі каледжа – ветэраны Вялікай Айчыннай вайны», «Выпускнікі каледжа – воіны-інтэрнацыяналісты» і г. д.

У 1930–1932 гг. у Аршанскім педагагічным тэхнікуме вучыўся Іван Ігнатавіч Якубоўскі – двойчы Герой Савецкага Саюза. Сярод экспанатаў можна ўбачыць яго кнігу ўспамінаў «Зямля ў агні» з дароўным надпісам, ліст навучэнцам і выкладчыкам навучальнай установы.

Да тэматычных выставаў абавязкова распрацоўваецца тэматычная экскурсія, якая забяспечвае цэласнае ўспрыманне падзей мінулага і стварае адпаведную эмацыйную атмасферу. Група экскурсаводаў – навучэнцаў каледжа пастаянна праводзіць аглядныя і тэматычныя экскурсіі.

На базе музея праводзіцца шэраг выхаваўчых мерапрыемстваў: сустрэчы з ветэранамі вайны, педагагічнай працы, выпускнікамі, прэзентацыі, інфармацыйныя гадзіны, вечары памяці, літаратурна-музычныя кампазіцыі і інш.

Музей прымае актыўны ўдзел у правядзенні выхаваўчых мерапрыемстваў, прысвечаных юбілейным датам.

Музей гісторыі каледжа забяспечвае фарміраванне гістарычнай свядомасці моладзі, пераемнасць пакаленняў, гатоўнасць да працягу традыцый, адданасць абранай прафесіі. Тым самым ён уносіць вялікі ўклад у грамадзянска-патрыятычнае выхаванне маладога пакалення, прафесійнае станаўленне будучых спецыялістаў.

Адрас: Віцебская вобласць, Аршанскі раён, г. Орша, вуліца А. Пушкіна, д. 9б.

 

ЛІТАРАТУРА

1. Ветрова, Н. Д. Музей колледжа – центр гражданско-патриотического воспитания / Н. Д. Ветрова // Адукацыя і выхаванне. – 2011. – № 5. – С. 49–52.

2. Хранитель истории колледжа // Аршанская газета. – 2015. – 21 лістап. – С. 6.