Музей раённы краязнаўчы. Пастаўскі раён, г. Паставы

Подробности

Створана 24.11.2017 12:23

Адноўлена 04.03.2019 16:38

Пастаўскі раённы краязнаўчы музей – візітная картка горада Паставы і Пастаўскага раёна Віцебскай вобласці.

Ён заснаваны ў 1974 годзе, а сваіх першых наведвальнікаў прыняў 26 лютага 1976 года.

Музей размешчаны ў будынку, які ўваходзіць у архітэктурны ансамбль цэнтральнай плошчы г. Паставы, пабудаваны ў 60-я гг. XVIII ст. падскарбіем Вялікага Княства Літоўскага графам А. Тызенгаўзам па праекце італьянскага архітэктара Джузэпэ дэ Сака.

На двух паверхах музея размешчаны аддзелы прыроды і археалогіі, гісторыі і этнаграфіі.

У 2014 годзе, дзякуючы літоўска-беларускаму супрацоўніцтву і падтрымцы Еўрасаюза, у скляпеннях палаца Тызенгаўзаў у Паставах з'явіўся новы музейны аб'ект. У адрэстаўраваных памяшканнях размясцілася некалькі найцікавейшых экспазіцый, прысвечаных знакамітаму вучонаму-арнітолагу ХІХ ст. Канстанціну Тызенгаўзу, летнім лагерам Санкт-Пецярбургскай афіцэрскай кавалерыйскай школы і падзеям Першай сусветнай вайны на Пастаўшчыне.

Агульная экспазіційная плошча 277 м2. Асноўны фонд – 8580 адзінак, навукова-дапаможны – 7483 (2015 г.).

У музеі праводзіцца шмат разнастайных мерапрыемстваў: інтэрактыўныя экскурсіі, музейна-педагагічныя заняткі, выставы, сустрэчы з цікавымі людзьмі, канферэнцыі, аўтапрабегі, працуе «Музей на колах» і інш.

Пры музеі створана грамадскае аб'яднанне «Жывая гісторыя» і раённае краязнаўчае таварыства «Лад».

Кіраўнікамі музея з'яўляліся Л. П. Старунова, В. К. Стахоўскі, Т. Я. Шчукіна, Л. Ц. Валетка, М. А. Селядцова. З 2006 г. дырэктар Р. Л. Курачанка.

Адрас: Віцебская вобласць, Пастаўскі раён, г. Паставы, плошча Леніна, д. 11, к. 2.

ЛІТАРАТУРА

1. Александровіч, К. Музей пашырыў плошчы / К. Александровіч // Вольнае Глыбокае. – 2014. – 10 ліп. – С. 2.

2. Алексеева, А. Хранители истории Поставщины / А. Алексеева // Витебские вести. – 2015. – 17 марта. – С. 7.

3. Бынькоў, А. Заходзьце ў мясцовыя музеі! / А. Бынькоў // Народнае слова. – 2011. – 4 кастр. – С. 6.

4. Валетка, Л. Пастаўскі краязнаўчы музей / Л. Валетка // Энцыклапедыя гісторыі Беларусі : у 6 т. / рэдкал. : Г. П. Пашкоў [і інш.]. – Мінск : БелЭн імя П. Броўкі, 2003. – Т. 5 : М–Пуд. – С. 430.

5. Валетка, Л. Ц. Пастаўскі краязнаўчы музей / Л. Ц. Валетка // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 2001. – Т. 12 : Палікрат–Праметэй. – С. 170.

6. Валетка, Л. Ц. Пастаўскі раённы краязнаўчы музей / Л. Ц. Валетка // Памяць: Пастаўскі раён : гісторыка-дакументальныя хронікі гарадоў і раёнаў Беларусі / рэдкал.: Г. К. Кісялёў [і інш.] ; уклад.: К. І. Козак, А. І. Кузняцоў ; рэд.-склад. Г. К. Кісялёў ; мастак Э. Э. Жакевіч. – Мінск : Белта, 2001. – С. 563.

7. Касаткіна, Ф. «Жывая гісторыя» / Ф. Касаткіна // Пастаўскі край. – 2017. – 11 кастр. – С. 3.

8. Курачанка, Р. Дзе спыняецца час / І. Курачанка // Пастаўскі край. – 2007. – 19 мая. – С. 3.

9. Курачанка, Р. Л. Пастаўскі раённы краязнаўчы музей / Р. Л. Курачанка // Музеі Беларусі = Музеи Беларуси / рэд.: Г. П. Пашкоў, Л. В. Календа, М. Г. Нікіцін. – Мінск : БелЭн iмя П. Броўкi, 2008. – С. 475–477.

10. Пастаўскі раённы краязнаўчы музей // Культура Беларусі : энцыклапедыя : [у 6 т.] / рэдкал.: У. У. Андрыевіч [і інш.]. – Мінск : БелЭн імя П. Броўкі, 2015. – Т. 6 : М–Я. – С. 144.

11. Пастернак, Т. Экскурсия в прошлое / Т. Пастернак // Витебские вести. – 2014. – 12 июля. – С. 10.

12. Поставский районный краеведческий музей // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 366.

13. Селядцова, М. На прыступках стагоддзяў / М. Селядцова // Пастаўскі край. – 2006. – 2–3 верас. – С. 3.

14. Скарбніца гісторыі краю, крыніца інфармацыі // Пастаўскі край. – 2016. – 24 лют. – С. 4–5.

15. Шчарбачэвіч, Н. Палац пад зямлёй / Н. Шчарбачэвіч // Звязда. – 2014. – 28 кастр. – С. 6.

СПАСЫЛКІ

  Пра наш музей