Музей краязнаўчы, ДУА «Падсвільская сярэдняя школа». Глыбоцкі раён, г. п. Падсвілле

Подробности

Створана 08.04.2019 12:23

Адноўлена 08.10.2019 13:49

Школьны краязнаўчы музей Падсвільскай сярэдняй школы быў заснаваны 1 верасня 1988 года. Першапачаткова ён значыўся як пакой народнай мастацкай творчасці. Заснаваў музей настаўнік гісторыі Папкоў Валерый Якаўлевіч. З 1994 года ўстанову культуры ўзначальвала настаўніца гісторыі Саўліч Людміла Іванаўна. 4 студзеня 2010 года музей быў перайменаваны ў краязнаўчы. З 2016 года ім кіравала Пасюк Таццяна Іосіфаўна, настаўніца беларускай мовы і літаратуры.

Асветніцкая дзейнасць музея накіравана на дзіцячую аўдыторыю. Музейныя матэрыялы ўключаюцца ў навучальны працэс праз урокі-экскурсіі, інфармацыйныя гадзіны, а таксама выкарыстоўваюцца ў якасці дапаможнікаў на ўроках. Праводзяцца літаратурна-музычныя кампазіцыі з выкарыстаннем музейных прадметаў. На базе музея працуе навуковае аб'яднанне.

Усе сабраныя матэрыялы школьнага краязнаўчага музея складае фонд, які падзяляецца на асноўны і дапаможны. Да асноўнага фонду ўстановы культуры адносяцца: этнаграфічныя і нумізматычныя прадметы, прадметы быту, карціны Я. Драздовіча, фотаграфічныя матэрыялы, старадрукаваныя, рукапісныя кнігі і друкаваныя дакументы, літаратурныя творы, гістарычныя карты. Да дапаможнага фонду адносяцца фотакопіі і ксеракопіі дакументаў. У музеі забяспечаны ўлік музейнага фонду, які фіксуецца ў спецыяльных кнігах асноўнага і дапаможнага фонду.

Экспазіцыя ўстановы культуры складаецца з некалькі раздзелаў: «Гісторыя пасёлка Падсвілле»; «Гісторыя Падсвільскай школы»; «Жыццёвы і творчы шлях Язэпа Нарцызавіча Драздовіча»; «Этнаграфічны куток».

У краязнаўчым музеі праводзяцца абзорныя і тэматычныя экскурсіі.

На базе школьнага музея вядзецца навукова-даследчая работа.

Адрас: Віцебская вобласць, Глыбоцкі раён, г. п. Падсвілле, вуліца Савецкая д. 47.

ЛІТАРАТУРА

1. Садовіч, А. Экспазіцыя школьнага музея ўражвае / А. Садовіч // Веснік Глыбоччыны. – 2018. – 13 студз. – С. 8.

2. Устинов, А. «Равнение держим на героев-земляков» / А. Устинов // Веснік Глыбоччыны. – 2017. – 11 сак. – С. 5.