Музей камсамольскага падполля Обальскі. Шумілінскі раён, г. п. Обаль
- Подробности
- Створана 28.05.2020 12:23
- Адноўлена 28.05.2020 15:03
| Сучасная назва | Музей Обальскага камсамольскага падполля |
| Былая назва | Рэспубліканскі музей камсамольскай славы |
| Дата заснавання | 1984 |
| Тып | установа культуры |
| Месца знаходжання | Віцебская вобласць, Шумілінскі раён, г. п. Обаль |
Музей Обальскага камсамольскага падполля створаны ў г. п. Обаль Шумілінскага раёна як Рэспубліканскі музей камсамольскай славы. Адкрыты 29 кастрычніка 1965 года па ініцыятыве Міністэрства культуры БССР і ЦК ЛКСМБ як філіял Беларускага дзяржаўнага музея гісторыі Вялікай Айчыннай вайны.
З 1985 года мае сучасную назву – музей Обальскага камсамольскага падполля.
Згодна з пастановай калегіі Міністэрства культуры БССР 1 студзеня 1990 года музей перададзены ў падпарадкаванне Віцебскаму абласному ўпраўленню культуры.
З 2002 года музей – філіял Шумілінскага гісторыка-краязнаўчага музея.
Будынак музея з'яўляецца помнікам архітэктуры 1-й паловы ХІХ ст. Акрамя таго, будынак музея размешчаны на тэрыторыі Обальскага палацава-паркавага комплексу.
На 2015 год асноўны фонд налічвае больш за 1600 экспанатаў, навукова-дапаможны – 800 экспанатаў.
Агульная плошча музея – 194 м2, экспазіцыйна-выставачная – 124,17 м2.
Мае 4 экспазіцыйныя залы:
– школьныя і юнацкія гады ўдзельнікаў Обальскага падполля;
– развіццё партызанскага руху ў Сіроцінскім (з 1961 года – Шумілінскім) раёне;
– стварэнне і баявая дзейнасць удзельнікаў Обальскага падполля;
– «Увекавечанне. Памяць».
Аснова экспазіцыі – матэрыялы пра дзейнасць легендарнай падпольнай камсамольскай арганізацыі «Юныя мсціўцы», якая дзейнічала на тэрыторыі Обальскага сельсавета ў гады Вялікай Айчыннай вайны. Сярод унікальных экспанатаў – дакументы, фатаграфіі, асабістыя рэчы вядомых герояў-камсамольцаў, у тым ліку Герояў Савецкага Саюза Зяньковай Е. С. і Партновай З. М., творы выяўленчага мастацтва, якія адлюстроўваюць подзвіг юных падпольшчыкаў.
У 2008 годзе экспазіцыя музея папоўнілася дыярамай «Партызанскі лагер» В. Ціханенкі.
У выставачнай зале музея рэгулярна арганізуюцца зменныя выставы і экспазіцыі.
Адрас: Віцебская вобласць, Шумілінскі раён, г. п. Обаль, вуліца Школьная, 1.
      
|
ЛІТАРАТУРА
1. Азоліна, Н. А. Обальскага камсамольскага падполля музей / Н. А. Азоліна // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 2000. – Т. 11 : Мугір–Паліклініка. – С. 425.
2. Горнова, Т. Их имена не забыты / Т. Горнова // Витебские вести. – 2014. – 18 янв. – С. 8.
3. Дроздова, Н. Необычный экспонат / Н. Дроздова // Віцьбічы = Витьбичи. – 2016. – 17 сент. – С. 6.
4. Ивченко, Л. Визитная карточка района / Л. Ивченко // Витебские вести. – 2015. – 12 нояб. – С. 11.
5. Князева, Е. Музей большого подвига / Е. Князева // Народнае слова. – 2008. – 4 лістап. – С. 1.
6. Мароз, М. Помсцілі за скалечанае юнацтва / М. Мароз // Герой працы (Шумiлiна). – 2005. – 29 сак. – С. 2–3.
7. Музей комсомольской славы // Память: историко-документальная хроника Шумилинского района / редкол.: И. П. Шамякин [и др] ; худож. А. Н. Хилькевич. – Минск : БелЭн им. П. Бровки, 1985. – С. 516–517.
8. Обальскага камсамольскага падполля музей // Музеі Беларусі = Музеи Беларуси / рэд. сав.: Г. П. Пашкоў [і інш] ; маст.: В. В. Катовіч, М. У. Чуднікаў. – Мінск : БелЭн імя П. Броўкі, 2008. – С. 472–473.
9. Обальскага камсамольска-маладзёжнага падполля музей // Культура Беларусі : энцыклапедыя : [у 6 т.] / рэдкал.: У. У. Андрыевіч [і інш.]. – Мінск : БелЭн імя П. Броўкі, 2015. – Т. 6 : М–Я. – С. 106–107.
10. Обольский музей комсомольского подполья // Туристические регионы Беларуси / редкол.: Г. П. Пашков [и др.] ; под общ. ред. И. И. Пирожника ; сост. Л. В. Ловчая. – Минск : БелЭн імя П. Броўкі, 2008. – С. 166–167.
11. Обольского комсомольского подполья музей // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 206.
12. Обольского комсомольского подполья музей // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн, 2007. – Т. 5 : Минск–Педиатрия. – С. 497.
СПАСЫЛКІ
Музей Обольского комсомольского подполья – филиал ГУК «Шумилинский историко-краеведческий музей»
Музей Обольского комсомольского подполья. Необычные путешествия по Беларуси
