Афганистан. Без права на забвение

Афганистан. Без права на забвение

Афганистан. Без права на забвение

Художники Витебщины

Художники Витебщины

Художники Витебщины

Асінторф, аг., Дубровенскі раён

 

Назва Асінторф
Адміністрацыйна-тэрытарыяльная адзінка  аграгарадок
Вобласць Віцебская 
Раён Дубровенскі
Сельскі Савет Асінторфскі
Дата заснавання 1672

 

Аграгарадок Асінторф знаходзіцца за 16 км ад. г. Дуброўна, 7 км ад чыгуначнай станцыі Асінаўка на лініі Орша – Смаленск. Цэнтр Асінторфскага сельскага Савета. Колькасць насельніцтва на 1 студзеня 2017 года складала 1079 жыхароў.

Паселішча на месцы сучаснага Асінторфа вядома з 1672 г. як урочышча Востраў, а ў інвентары 1782 г. – Востраў Юр’еў. Паводле падання, названы ў гонар беглага селяніна Юркі і яго сыноў, якія знайшлі прытулак сярод непраходных тарфяных балот.

У 1897 г. – 20 двароў, 151 жыхар. У 1897 г. Аршанскі чыгуначны вузел пачаў распрацоўку торфу непадалёку ад вёскі для патрэб чыгункі і Дубровенскай тэкстыльнай фабрыкі. У 1927 г. пачалося будаўніцтва БелДРЭС. На здабычы торфу пастаянна працавала звыш 10000 рабочых, якія жылі ў спецыяльна пабудаваных пасёлках і навакольных вёсках. Цэнтральным з іх быў Асінторф (былая вёска Востраў Юр’еў). Населены пункт набыў сваю назву ад спалучэння слоў «асінаўскія балоты» і «торф». З 27 верасня 1938 г. Асінторфу нададзены статус рабочага пасёлка. У паселку меліся сярэдняя школа, бальніца, магазіны, сталовая.

У Вялікую Айчынную вайну ў Асінторфе дзейнічала падпольная камсамольская арганізацыя на чале з С. П. Шмуглеўскім. У гонар падпольшчыкаў на аўтамагістралі Мінск – Масква ўстаноўлены манумент.

З 1946 г. у Арэхаўскім, з 1954 г. у Аршанскім, з 1965 г. у Дубровенскім раёнах.

У цяперашні час Асінторф – аграгарадок, у якім функцыянуюць сярэдняя і музычная школы, дзіцячы сад, бальніца, бібліятэка, музей, Дом культуры, аддзяленне сувязі, магазіны. Дзейнічае філіял БелДРЭС РУП «Віцебскэнэрга», участак УП ЖКГ «Дуброўна-Камунальнік», лясніцтва. У Асінторфе знаходзіцца брацкая магіла савецкіх воінаў і партызан, помнік савецкім воінам, партызанам, падпольшчыкам і землякам, мемарыяльная дошка С. П. Шмуглеўскаму.

 

Аграгарадок Асінторф. Дубровенскі раён. Фатаграфія з сайта https://be.wikipedia.orgАграгарадок Асінторф. Дубровенскі раён. Пакроўская царква. Фатаграфія з сайта https://be.wikipedia.org Аграгарадок Асінторф. Дубровенскі раён. Помнік на брацкай магіле савецкіх воінаў і партызан. Фатаграфія з сайта http://fgb.by

 

ЛІТАРАТУРА

1. Асінторф // Беларуская энцыклапедыя : у 18 т. / рэдкал. Г. П. Пашкоў [і інш.]. – Мінск : БелЭн, 1996. – Т. 2 : Аршыца–Беларусцы. – С. 31.

2. Асінторф // Памяць:Дубровенскі раён : гісторыка-дакументальныя хронікі гарадоў і раёнаў Беларусі : у 2 кн. / рэдкал.: А. Я. Гаўруцікаў [і інш.] ; уклад.: А. Я. Гаўруцікаў, Р. П. Кахноўская; мастак Э. Э. Жакевіч. – Мінск : Паліграфафармленне, 1997. – Кн. 1. – С. 558.

3. Дикарева Е. / Юбилею Юрьева Острова посвящается / Е. Дикарева //Дняпроўская праўда (Дуброўна). – 2017. –1 сак. –С. 4.

4. Осинторф // Регионы Беларуси : энциклопедия : в 7 т. / редкол.:Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 266.

5. Осинторф // Республика Беларусь : энциклопедия : [в 7т.] / редкол.: Г. П. Пашков[и др.]. – Минск: БелЭн, 2007. – Т. 5 : Минск–Педиатрия. – С. 626.

6. Чапялова, Л. Асінторфскаму сельвыканкаму – 70 гадоў / Л. Чапялова // Дняпроўская праўда (Дуброўна). – 2014. – 26 лістап. – С. 2.

7. Чапялова, Л. Юбілей Вострава Юр'ева / Л. Чапялова // Дняпроўская праўда (Дуброўна). – 2012. – 29 верас. –С. 1–2.

8. Шаранда, С. Есть, на что посмотреть, есть, чем гордиться, есть, к чему стремиться / С. Шаранда // Дняпроўская праўда (Дуброўна). – 2017. –1 сак. – С. 4.

9. Шпакоўская, Г. Асінторф / Г. Шпакоўская // Народнае слова. – 2007. – 18 снеж. – С. 4.