Велеўшчынская сельская бібліятэка-клуб – філіял № 8, в. Велеўшчына. Лепельскі раён

Подробности

Створана 30.04.2019 08:40

Адноўлена 30.04.2019 11:02

Велеўшчынская сельская бібліятэка была адкрыта ў 1949 годзе.

Тады гэта была хата-чытальня, загадчыцай якой з 1955 года працавала Марыя Сяргееўна Шкіранда.

Спачатку гэта чытальня размяшчалася ў доме Цімафея Крыўко. Потым вылучылі маладой загадчыцы куточак на сцэне калгаснага клуба, дзе ўстанавілі драўляную паліцу, на якой стаяла 150 кніг.

З 1998 года дзейнічаў сямейны клуб «Вернасць».

У 2005 годзе бібліятэкай абслужана больш за трыста чалавек, пяцьдзясят з іх – дзеці.

З 2015 года бібліятэкай загадвае Ганна Міхайлаўна Дзямко. Яна пачала працаваць у Велеўшчыне бібліятэкарам з 1984 года.

У 2015 годзе было абслужана 280 чытачоў.

Велеўшчынская сельская бібліятэка-клуб з'яўляецца месцам правядзення абрадавай гульні «Жаніцьба Цярэшкі», якая была занесена ў спіс нематэрыяльнай духоўнай спадчыны ЮНЕСКА і стала брэндам в. Велеўшчына.

Бібліятэка супрацоўнічае з Лепельскім раённым Домам культуры, з патрыятычна-краязнаўчым клубам «Нашчадкі», створаным пры ДУА «Слабодская дзіцячы сад–сярэдняя школа».

Адрас: Віцебская вобласць, Лепельскі раён, в. Велеўшчына, вуліца Маладзёжная, 2.

ЛІТАРАТУРА

1. Барадзейка, Л. Залаты юбілей святкуюць бібліятэкі / Л. Барадзейка // Лепельскі край. – 1999. – 14 снеж. – С. 2.

2. Гарбачоў, М. Чытацкі інтарэс / М. Гарбачоў // Лепельскі край. – 2016. – 16 лют. – С. 6.

3. Мартинович, Е. Здесь мысли, мудрость, тайны века / Е. Мартинович // Лепельскі край. – 2018. – 21 верас. – С. 9.

4. Тухта, В. Гаспадыня кніжнага царства / В. Тухта // Лепельскі край. – 2006. – 14 лют. – С. 3.

5. Шушкевіч, У. Кнігі – вяскоўцам / У. Шушкевіч // Лепельскі край. – 2008. – 11 лістап. – С. 2.