Цэнтр развіцця дзіцяці дашкольны г. Полацка, ДУА. Полацкі раён

Подробности

Створана 20.06.2019 08:40

Адноўлена 20.06.2019 13:40

Дашкольны цэнтр развіцця дзіцяці быў адкрыты ў снежні 1964 года, тады ён меў назву дзіцячы сад № 17 «Залаты ключык». З моманту адкрыцця на базе ўстановы функцыянавала 12 груп, у перыяд з 2002 па 2006 гг. працавалі 10 груп, з 2006 года – 8 груп. З 1 верасня 2007 года функцыянавала 6 груп. Першай загадчыцай установы з'яўлялася Ражкова Вольга Васільеўна.

1 верасня 1994 года дзіцячы сад № 17 быў ператвораны ў дашкольную міні-гімназію на падставе рашэння Полацкага гарадскога савета народных дэпутатаў Выканаўчага камітэта № 250 ад 27 красавіка 1994 года.

1 мая 1999 года дашкольная міні-гімназія была ператворана ў Цэнтр развіцця дзіцяці на падставе рашэння Полацкага гарадскога Выканаўчага камітэта № 357 ад 14 красавіка 1999 года.

З 2002 года рашэннем Віцебскага аблвыканкама № 88 ад 15 лютага 2002 года ўстанова зарэгістравана як дашкольная ўстанова «Дашкольны цэнтр развіцця дзіцяці яслі-сад № 17». У 2010 годзе рашэннем Полацкага гарадскога выканаўчага камітэта дашкольная ўстанова была перайменавана ва УА «Полацкі дзяржаўны дашкольны цэнтр развіцця дзіцяці».

З 9 верасня 2011 года на падставе рашэння Полацкага гарадскога Выканаўчага камітэта № 555 ад 9 верасня 2011 года ўстанова была перайменавана ў ДУА «Дашкольны цэнтр развіцця дзіцяці г. Полацка».

Працоўны калектыў складаюць 28 педагогаў.

Адрас: Віцебская вобласць, Полацкі раён, г. Полацк, вуліца Гогаля, д. 21.

ЛІТАРАТУРА

1. Высоцкая, О. Лаборатория открытий / О. Высоцкая // Пралеска. – 2017. – № 7 (ліп). – С. 20–23.

2. «Любить, только потом воспитывать» // Пралеска. – 2017. – № 7 (ліп). – С. 19.

3. Палынская, А. На новы ўзровень / А. Палынская // Полацкі веснік. – 2002. – 13 снеж. – С. 2.