Лагер аздараўленчы «Лугаўцы» Дубровенскага раёна, ДУА. Дубровенскі раён

Подробности

Створана 11.12.2018 08:40

Адноўлена 15.01.2024 16:07

Дзяржаўная ўстанова адукацыі «Аздараўленчы лагер «Лугаўцы» Дубровенскага раёна» размешчаны ў маляўнічым кутку Дубровенскага раёна, у лясным масіве паблізу ракі Днепр. Разлічаны на 160 месцаў, плошча тэрыторыі 6 га.

У лагеры створаны ўсе ўмовы для паўнавартаснага адпачынку: добраўпарадкаваныя карпусы, разнастайнае харчаванне, цікавы вольны час і многае іншае. Працуюць лепшыя педагогі і студэнты Дубровенскага і Аршанскага раёна.

На тэрыторыі лагера размешчаны: 5 карпусоў для пражывання дзяцей; адміністрацыйны корпус (пакой дзіцячага актыву, кіназала, трэнажорная зала, бібліятэка, радыёвузел, адкрытая сцэна); сталовая; медыцынскі пункт; стадыён; баскетбольная і валейбольная пляцоўкі; медыцынскі корпус; лазня; пляцоўка для гульняў; зоны адпачынку.

Лагер забяспечаны вадаправодам, гарачай праточнай вадой, электраасвятленнем, спартыўным, гульнёвым і іншым абсталяваннем. Медыцынскае абслугоўванне ажыццяўляецца кваліфікаванымі медыцынскімі работнікамі. Забяспечана кругласутачнае дзяжурства медыцынскага персаналу.

Летнія творча-гульнёвыя праграмы накіраваны на актыўны і змястоўны адпачынак, рэалізацыю уменняў, навыкаў і здольнасцяў дзяцей, максімальнае задавальненне іх індывідуальных інтарэсаў у сацыяльна значных сферах. У лагеры працуюць розныя гурткі, секцыі, кіналекторый, арганізоўваюцца паходы, экскурсіі.

Адрас: Віцебская вобласць, Дубровенскі раён, урочышча «Лугаўцы».

ЛІТАРАТУРА

1. Бурденко, М. Отдых просто сказочный / М. Бурденко // Дняпроўская праўда (Дуброўна). – 2010. – 10 ліп. – С. 1–2.

2. Катикова, А. Гости из Сербии в «Луговцах» / А. Катикова // Дняпроўская праўда (Дуброўна). – 2012. – 30 чэрв. – С. 1.

3. Катикова, А. Лагерь «Луговцы» примеряет обновки / А. Катикова // Дняпроўская праўда (Дуброўна). – 2012. – 26 мая. – С. 1.