Цэнтр дзяцей і моладзі, ДУДА. Докшыцкі раён, г. Докшыцы
- Подробности
- Створана 24.06.2019 08:40
- Адноўлена 12.05.2020 09:31
| Сучасная назва | ДУДА «Докшыцкі раённы Цэнтр дзяцей і моладзі» |
| Былая назва | Цэнтр дзіцячай творчасці |
| Тып | дзяржаўная ўстанова дадатковай адукацыі |
| Дата заснавання | 1969 |
| Месца знаходжання | Віцебская вобласць, Докшыцкі раён, г. Докшыцы |
Гісторыя пазашкольнага навучання і выхавання ў Докшыцах пачалася з 1969 года, калі ў жніўні быў адкрыты раённы Дом піянераў і школьнікаў. У ім працавала 5 гурткоў. Асноўнымі функцыямі Дома піянераў было аказанне дапамогі камсамольскай і піянерскай арганізацыям, школе; шырокая масава-палітычная і культурна-асветніцкая праца сярод піянераў і школьнікаў; садзейнічанне ўсебаковаму развіццю іх асобы.
29 верасня 1993 года раённы Дом піянераў і школьнікаў перайменаваны ў раённы Цэнтр дзіцячай творчасці. З 1 верасня 2011 года гэта дзяржаўная ўстанова дадатковай адукацыі «Докшыцкі раённы Цэнтр дзяцей і моладзі».
Асноўныя напрамкі дзейнасці цэнтра:
– рэалізацыя вучэбна-выхаваўчых праграм па развіцці творчых здольнасцей дзяцей і моладзі;
– аказанне метадычнай дапамогі ўстановам адукацыі;
– садзейнічанне павышэнню прафесійнага ўзроўню педагагічных кадраў;
– мастацка-эстэтычнае выхаванне;
– экалагічнае выхаванне, фарміраванне экалагічнай культуры;
– садзейнічанне фізічнаму выхаванню дзяцей і падлеткаў, фарміраванне здаровага ладу жыцця;
– падтрымка дзіцячых і моладзевых арганізацый, сацыяльных ініцыятыў;
– выхаванне інфармацыйнай і дасугавай культуры.
Цэнтр дзяцей і моладзі сёння: 1067 навучэнцаў, 78 аб'яднанняў па інтарэсах. На 1 студзеня 2018 года педагагічны калектыў Цэнтра складае 30 педагогаў. Вышэйшую адукацыю маюць 26 педагагічных работнікаў, што складае 87 % калектыву. 16 педагогаў працуюць з вышэйшай і першай кваліфікацыйнымі катэгорыямі.
Адрас: Віцебская вобласць, Докшыцкі раён, г. Докшыцы, вул. Ленінская, 5.
|
ЛІТАРАТУРА
1. Берникович, Д. Первым делом – самолеты / Д. Берникович // Витебские вести. – 2015. – 23 мая. – С. 1, 6.
2. Лук'яненка, М. У цэнтры ўвагі ўстаноў пазашкольнага выхавання і навучання / М. Лук'яненка // Родныя вытокі (Докшыцы). – 2009. – 4 лістап. – С. 3.
3. Малевіч, Я. Натхненне – у прыгажосці / Я. Малевіч // Родныя вытокі (Докшыцы). – 2018. – 7 сак. – С. 1.
4. Малевіч, Я. Сплятаюцца ў сувеніры сонечныя прамяні / Я. Малевіч // Родныя вытокі (Докшыцы). – 2017. – 28 студз. – С. 1, 4.
5. Мацюшонак, Т. Навучыцца лётаць / Т. Мацюшонак // Родныя вытокі (Докшыцы). – 2012. – 23 чэрв. – С. 2.
6. Падбярэзкая, Т. «Мир – во мне, я – в мире» / Т. Падбярэзкая // Родныя вытокі (Докшыцы). – 2012. – 1 снеж. – С. 3.
СПАСЫЛКІ
