Ліцэй сельскагаспадарчай вытворчасці Дубровенскі дзяржаўны, УА. Дубровенскі раён

Подробности

Створана 18.04.2017 08:40

Адноўлена 11.12.2018 16:36

Сваю гісторыю ліцэй пачаў з 1 кастрычніка 1945 года. У кастрычніку 1945 года ў пасёлку Бабінічы Аршанскага раёна была створана школа механізацыі сельскай гаспадаркі. Школу механізацыі ўзначаліў Іван Пятровіч Бібікаў.

У 1946 годзе выпусцілі першых спецыялістаў – 90 маладых трактарыстаў і камбайнёраў.

У 1963 годзе вучылішча было пераведзена з Бабініч ў Дуброўна, а ў наступным годзе яно было перайменавана ў СПТВ-35.

У 1968 годзе быў здадзены новы навучальны корпус, а потым лабараторна-практычны корпус і інтэрнат (на 400 месцаў). З 1970 года вучылішча было пераведзена ў разрад сярэдніх прафесійна-тэхнічных вучыльшч. З 1 верасня 1984 года ў сувязі з рэформай агульнаадукацыйнай і прафесійнай школ – перайменавана ў Дубровенскае сярэдняе прафесійна-тэхнічнае вучылішча № 171.

З 14 жніўня 2002 года – дзяржаўны прафесійны ліцэй сельскагаспадарчай вытворчасці. Шэраг выпускнікоў ліцэя ўзнагароджаны ордэнамі і медалямі, удастоены звання Героя Сацыялістычнай Працы.

За ўвесь час існавання вучылішча было падрыхтавана каля 26 тысяч спецыялістаў. Выпускнікі ліцэя выкладаюць у Горацкай сельскагаспадарчай акадэміі, Віцебскай ветэрынарнай акадэміі, з'яўляюцца супрацоўнікамі Дубровенскага РАУС, МНС, Дэпартамента аховы.

У цяперашні час Дубровенскі дзяржаўны прафесійны ліцэй сельскагаспадарчай вытворчасці вядзе падрыхтоўку рабочых кадраў па прафесіях на аснове базавай адукацыі:

– «Тэхнічнае забеспячэнне сельскагаспадарчых работ. Эксплуатацыя і рамонт аўтамабіляў»;

– «Тэхналогія зварачных работ. Эксплуатацыя і рамонт аўтамабіляў»;

– «Лабараторныя даследаванні і вымярэнні ў вытворчасці. Грамадскае харчаванне»;

– «Тэхналогія вытворчасці швейных вырабаў. Эксплуатацыя электронна-вылічальных машын».

На аснове сярэдняй адукацыі:

– «Эксплуатацыя і рамонт аўтамабіляў».

Для забеспячэння вучэбна-выхаваўчага працэсу ў ліцэі маюцца:

– кабінеты і лабараторыі;

– вучэбна-вытворчыя майстэрні;

– бібліятэка з чытальнай залай;

– спартыўная база;

– актавая зала;

– інтэрнат;

– сталовая;

– пункт аховы здароўя;

– адміністрацыйна-гаспадарчыя падраздзяленні.

Адрас: Віцебская вобласць, Дубровенскі раён, г. Дуброўна, вул. Нікандравай, д. 31.

ЛІТАРАТУРА

1. Малчанава, І. «Захварэць» прафесіяй / І. Малчанава // Дняпроўская праўда (Дуброўна). – 2002. – 26 снеж. – С. 2.

2. Навумава, А. Кузня кадраў для народнай гаспадаркі / А. Навумава // Дняпроўская праўда (Дуброўна). – 2005. – 30 крас. – С. 3.

3. Навумава, А. А. Ліцэй чакае навучэнцаў / А. А. Навумава // Дняпроўская праўда (Дуброўна). – 2007. – 1 верас. – С. 1–2.

4. Пастернак, Т. Будущие трактористы изучают компьютеры / Т. Пастернак // Народнае слова. – 2010. – 30 кастр. – С. 3.

5. Старавойтова, Ю. Школьники гостили в Дубровенском лицее / Ю. Старавойтова // Дняпроўская праўда (Дуброўна). – 2018. – 11 крас. – С. 4.