Ліцэй сельскагаспадарчай вытворчасці Полацкі дзяржаўны прафесійны, УА. Полацкі раён, г. п. Ветрына
- Подробности
- Створана 24.06.2019 08:40
- Адноўлена 24.06.2019 11:08
| Сучасная назва | Полацкі дзяржаўны прафесійны ліцэй сельскагаспадарчай вытворчасці |
| Былая назва | Полацкае дзяржаўнае прафесійна-тэхнічнае вучылішча № 167 сельскагаспадарчай вытворчасці (2002) |
| Полацкае прафесійна-тэхнічнае вучылішча № 167 механізацыі сельскай гаспадаркі | |
| Полацкае сярэдняе прафесійна-тэхнічнае вучылішча № 167 (1984) | |
| Сельскае прафесійнае вучылішча № 13 г. Полацка (1963) | |
| Полацкае вучылішча механізацыі сельскай гаспадаркі № 13 (1954) | |
| Загаранская школа механізацыі (1952) | |
| Тып | установа адукацыі |
| Дата заснавання | 1952 |
| Месца знаходжання | Віцебская вобласць, Полацкі раён, г. п. Ветрына |
| Сайт | http://polotsk-gpl-shp.vitebsk.by/ |
20 мая 1952 года ў в. Загаране Мехаўскага раёна была арганізавана школа механізацыі. Дырэктарам гэтай школы ў жніўні 1953 года быў прызначаны Сапроненка Пётр Філіпавіч. Першыя вучні навучаліся па дзвюх спецыяльнасцях: «Трактарыст-машыніст шырокага профілю», «Электраманцёр сельскай электрыфікацыі і сувязі».
У 1954 годзе Загаранская школа была перайменавана ў вучылішча механізацыі сельскай гаспадаркі № 13. І ў сакавіку гэтага ж года была пераведзена з в. Загаране ў Полацк.
У 1963 годзе Полацкае вучылішча механізацыі сельскай гаспадаркі № 13 было ператворана ў сельскае прафесійнае вучылішча № 13 г. Полацка. У 1968 годзе вучылішча было пераведзена ў г. п. Ветрына Полацкага раёна.
У 1973 годзе былі пабудаваны новы корпус вучылішча, інтэрнат і майстэрні.
З 1 верасня 1984 года Полацкае сельскае прафтэхвучылішча было ператворана ў Полацкае сярэдняе прафесійна-тэхнічнае вучылішча № 167. А ў 1989 годзе ўстанова адукацыі стала называцца Полацкае прафесійна-тэхнічнае вучылішча № 167 механізацыі сельскай гаспадаркі.
У 2002 годзе на падставе загада Віцебскага аблвыканкама № 21 ад 11 сакавіка 2002 года Полацкае прафесійна-тэхнічнае вучылішча № 167 механізацыі сельскай гаспадаркі было перайменавана ў Полацкае дзяржаўнае прафесійна-тэхнічнае вучылішча № 167 сельскагаспадарчай вытворчасці.
У лютым 2006 года ўстанова адукацыі стала звацца УА «Полацкі дзяржаўны прафесійны ліцэй сельскагаспадарчай вытворчасці».
На сённяшні дзень у ліцэі працуе калектыў выкладчыкаў і майстроў вытворчага навучання, які налічвае больш за 40 спецыялістаў. Навучаецца 260 чалавек. У ліцэі працуе 15 факультэтаў, 10 гурткоў. У ліцэі маюцца: аўтатрактарны парк; 23 навучальныя кабінеты, 12 вучэбна-вытворчых майстэрань, 2 камп'ютарныя кабінеты, актавая зала на 300 пасадачных месцаў, інтэрнат, сталовая, аўтадром, трактарадром. Спартыўная база ўключае: спартыўную залу, трэнажорную залу, лёгкаатлетычны гарадок, пляцоўкі для баскетбола і гандбола. Маецца бібліятэка з чытальнай залай і кнігасховішчам. Маецца сад, цяпліца і вучэбная гаспадарка.
За шматгадовую гісторыю ліцэй падрыхтаваў і выпусціў велізарную колькасць рабочых для розных галін народнай гаспадаркі. Яго выпускнікі працуюць па ўсёй Беларусі і за яе межамі.
Адрас: Віцебская вобласць, Полацкі раён, г. п. Ветрына, вуліца Савецкая, д. 20.
ЛІТАРАТУРА
1. Бондарава, Т. Ветрынскія нівы / Т. Бондарава // Настаўніцкая газета. – 2015. – 12 лют. – С. 7.
2. Бондорева, Т. Добрый дом, где живут мастера / Т. Бондорева // Віцебскі рабочы. – 2012. – 20 снеж. – С. 21.
3. Ганіна, Н. Кузня механізатарскіх кадраў / Н. Ганіна // Сцяг перамогі (Лёзна). – 1981. – 9 ліп. – С. 3.
4. Здесь вам будут рады / подгот. Т. Бондорева // Віцебскі рабочы. – 2012. – 7 чэрв. – С. 10, 15.
5. Матус, В. У вучылішча – юбілей / В. Матус // Віцебскі рабочы. – 1987. – 4 чэрв. – С. 2.
6. Пукшанскі, А. Самаробкін з Бадзінава / А. Пукшанскі // Звязда. – 2015. – 5 лістап. – С. 4.
7. Яцкевич, Т. Учеба и труд здесь рядом идут / Т. Яцкевич // Белорусская нива. – 2001. – 13 дек. – С. 2.
