Каледж аграрны, філіял УА «Віцебская дзяржаўная акадэмія ветэрынарнай медыцыны». Віцебскі раён, в. Лужасна

Подробности

Створана 02.04.2019 08:40

Адноўлена 02.04.2019 15:08

Аграрны каледж УА «Віцебская дзяржаўная акадэмія ветэрынарнай медыцыны» з'яўляецца адной з найстарэйшых навучальных устаноў сельскагаспадарчага профілю ў Рэспубліцы Беларусь.

У лістападзе 1909 года было адкрыта Лужаснянскае сельскагаспадарчае вучылішча.

1 кастрычніка 1920 года вучылішча было пераўтворана ў другую прыступку сельскагаспадарчай школы і стала называцца «Лужаснянская сельскагаспадарчая школа». З 9 лютага 1928 года сельскагаспадарчая школа стала Лужаснянскай прафесійнай школай тэхнічных культур. У 1930 годзе ўстанова адукацыі змяніла назву на «Лужаснянскі дзяржаўны сельскагаспадарчы ільнапяньковы тэхнікум Наркамата земляробства БССР».

У 1970 годзе былі аб'яднаныя Лужаснянскі і Бігосаўскі сельскагаспадарчыя тэхнікумы. Аб'яднаная навучальная ўстанова стала рыхтаваць аграномаў, ветэрынарных фельчараў, заатэхнікаў, заатэхнікаў-птушкаводаў.

У 1977 годзе тэхнікуму было прысвоена імя яго выпускніка Ф. А Сурганава.

Са студзеня 1983 года Лужаснянскі сельскагаспадарчы тэхнікум імя Ф. А. Сурганава быў рэарганізаваны ў Лужаснянскі саўгас-тэхнікум ім. Ф. А. Сурганава, да тэхнікума далучылася навучальная гаспадарка «Лужасна».

З чэрвеня 1996 года Лужаснянскі саўгас-тэхнікум ім. Ф. А. Сурганава зноў перайменаваны ў Лужаснянскі сельскагаспадарчы тэхнікум ім. Ф. А. Сурганава.

З сакавіка 2002 года навучальная ўстанова рэарганізавана ў Лужаснянскі дзяржаўны аграрны каледж імя Ф. А. Сурганава.

У 2002 годзе каледж быў далучаны да УА «ВДАВМ» у якасці структурнага падраздзялення і стаў называцца «Аграрны каледж УА "Віцебская ордэна «Знак Пашаны» дзяржаўная акадэмія ветэрынарнай медыцыны"».

Адрас: Віцебская вобласць, Віцебскі раён, в. Лужасна.

ЛІТАРАТУРА

1. Арсеньев, А. Конверт в честь столетия колледжа / А. Арсеньев // Народнае слова. – 2010. – 20 лют. – С. 6.

2. Большакова, Е. Аграрный колледж в Лужесно: и учиться интересно, и отдыхать / Е. Большакова // Народнае слова. – 2012. – 14 ліп. – С. 3.

3. Витебский район: дела и люди / подгот. А. Захаров // Віцьбічы = Витьбичи. – 2017. – 27 апр. – С. IV–V.

4. Гавриленко, Ю. Объединяя отрасли и поколения / Ю. Гавриленко // Жыццё Прыдзвіння (Віцебск). – 2015. – 22 жн. – С. 2–3.

5. Камлёва, Н. Лучшие знания в стране / Н. Камлёва // Витебские вести. – 2017. – 28 февр. – С. 2.

6. Муравьева, Е. Траектория роста / Е. Муравьева // Жыццё Прыдзвіння (Віцебск). – 2018. – 27 студз. – С. 4.

7. Півавар, М. В. Лужаснянскі аграрны каледж // Віцебскі раён : краязнаўчыя нарысы / І. А. Абрамава [і інш.] ; уклад. М. В. Півавар ; навук. рэд. А. М. Дарафееў, А. М. Дулаў, І. А. Абрамава. – Мінск : Паркус плюс, 2008. – С. 213–216.

8. Шпаковская, Г. Престижный колледж в Лужесно / Г. Шпаковская // Народнае слова. – 2011. – 19 мая. – С. 7.

9. Шпаковская, Г. Это наша с тобой биография / Г. Шпаковская // Народнае слова. – 2011. – 17 снеж. – С. 3.