Каледж тэхнічны Віцебскі дзяржаўны, УА. Віцебск, г.

Подробности

Створана 22.12.2023 08:40

Адноўлена 12.03.2024 11:32

Загадам Міністэрства прамысловых тавараў шырокага спажывання СССР №155 ад 7 мая 1955 года быў створаны Віцебскі вячэрні тэхнікум лёгкай прамысловасці. У 1960 годзе ўстанова адукацыі была перайменавана ў Віцебскі тэхнікум лёгкай прамысловасці. У ім пачалі рыхтаваць спецыялістаў не толькі для горада, але і для ўсёй рэспублікі. 1 студзеня 1973 года Віцебскі тэхнікум лёгкай прамысловасці быў перайменаваны ў Віцебскі тэхналагічны тэхнікум. У 1975 годзе тэхнікум зацверджаны як базавая навучальная ўстанова для сярэдніх спецыяльных навучальных устаноў (ССНУ) горада Віцебска і Віцебскай вобласці. У 1987 годзе тэхнікум быў рэарганізаваны. Загадам Міністэрства вышэйшай і сярэдняй спецыяльнай адукацыі ад 29 мая 1987 года № 178 «Аб рэарганізацыі Віцебскага індустрыяльна-тэхналагічнага тэхнікума» два тэхнікумы Віцебскі тэхналагічны і Віцебскі індустрыяльны былі аб'яднаны, быў створаны індустрыяльна-тэхналагічны тэхнікум па вуліцы Лазо, 113а. Тэхнікум займаўся падрыхтоўкай спецыялістаў па 6 спецыяльнасцях: прамысловае і грамадзянскае будаўніцтва; вытворчасць будаўнічых дэталяў і жалезабетонных канструкцый; тэхналогія керамікі; мадэляванне і канструяванне адзення; тэхналогія швейнай вытворчасці; тэхналогія трыкатажнай вытворчасці. У перыяд з 1987–2000 гг. у Віцебскім індустрыяльна-тэхналагічным тэхнікуме было падрыхтавана 4850 спецыялістаў. З мэтай удасканалення падрыхтоўкі спецыялістаў з сярэдняй спецыяльнай адукацыяй, развіццём сістэмы бесперапыннай адукацыі Віцебскі індустрыяльна-тэхналагічны тэхнікум з 1 верасня 2000 года атрымаў іншы статус і быў пераўтвораны ў Віцебскі дзяржаўны тэхнічны каледж. Падрыхтоўка вялася па спецыяльнасцях: тэхналогія і канструяванне швейных вырабаў; прамысловае і грамадзянскае будаўніцтва; вытворчасць будаўнічых вырабаў і канструкцый; архітэктура; тэхналогія сілікатных і тугаплаўкіх неметалічных матэрыялаў і вырабаў. Увогуле, пачынаючы з 2000 года, тэхнічны каледж яшчэ некалькі разоў рэарганізоўваўся. З цягам часу да яго былі далучаны УА «Віцебскі дзяржаўны станкаінструментальны каледж» і УА «Віцебскі дзяржаўны прафесійна-тэхнічны каледж імя М. П. Шмырова».

Віцебскі дзяржаўны тэхнічны каледж сёння – гэта тры навучальныя карпусы, тры будынкі навучальна-вытворчых майстэрняў, больш за 80 навучальных кабінетаў і лабараторый, якія аснашчаны неабходным абсталяваннем і сучаснымі тэхнічнымі сродкамі навучання. Каледж з'яўляецца ўстановай адукацыі, якая рэалізуе праграмы сярэдняй спецыяльнай і прафесійна-тэхнічнай адукацыі па 38 спецыяльнасцях і прафесіях. У каледжы дзейнічаюць аддзяленні архітэктуры і горадабудаўніцтва; робататэхнікі, сістэм і сетак; аўтасэрвісу і электронікі транспартных сродкаў; зварачных і аўтамабільных тэхналогій; будаўнічых тэхналогій; аўтаматызацыі і машынабудавання, дзе можна атрымаць сярэднюю спецыяльную адукацыю па спецыяльнасцях: слесар-рамонтнік, электраманцёр па рамонце і абслугоўванні электраабсталявання, аператар станкоў з праграмным кіраваннем, аператар электронна-вылічальных машын, электрагазазваршчык, кузаўшчык, маляр, абліцоўшчык-плітачнік, слесар па рамонце аўтамабіляў, фармоўшчык вырабаў і канструкцый, мантажнік санітарна-тэхнічных сістэм і абсталявання, слесар па рамонце і абслугоўванню сістэм вентыляцыі і кандыцыяніравання і інш. Навучэнцы Віцебскага дзяржаўнага тэхнічнага каледжа могуць атрымаць і прафесійна-тэхнічную адукацыю па спецыяльнасцях: тэхнік-механік, тэхнік-тэхнолаг, тэхнік па інфармацыйнай бяспецы, тэхнік-праграміст, тэхнік-аўтамеханік, тэхнік-архітэктар, тэхнік-электрык, тэхнік-будаўнік.

Арганізацыя вытворчага навучання ў каледжы заснавана на фарміраванні сучасных прафесійных кампетэнцый ва ўмовах эфектыўнага адукацыйнага асяроддзя. Так, у снежні 2019 года адбылося ўрачыстае адкрыццё рэсурснага цэнтра «Будаўнічыя тэхналогіі» – першага рэсурснага цэнтра будаўнічага профілю ў Віцебскай вобласці. Таксама на базе ўстановы адукацыі дзейнічае Цэнтр кампетэнцый. Прафесійная падрыхтоўка кадраў ажыццяўляецца на базе навучальных майстэрняў «Каменныя работы», «Тынкавальныя работы», «Цяслярна-сталярныя работы», «Абліцоўка пліткай», «Сухое будаўніцтва» і інш. На базе сямі навучальных майстэрняў прадстаўлена больш за сто відаў найноўшага вучэбна-вытворчага абсталявання і сродкаў навучання. У гэтых навучальна-вытворчых майстэрнях і на базавых прадпрыемствах горада навучэнцы праходзяць практыку, пад кіраўніцтвам майстроў вытворчага навучання вырабляюць розную сувенірную прадукцыю, сталярныя вырабы, вырабы з металу, аказваюць паслугі насельніцтву па выкананні будаўнічых работ. На базе каледжа адкрыта аўташкола па падрыхтоўцы вадзіцеляў транспартных сродкаў катэгорыі «В».

Асаблівая ўвага ў каледжы надаецца падрыхтоўцы і ўдзелу навучэнцаў у конкурсах прафесійнага майстэрства «Worldskills». Сучасная матэрыяльна-тэхнічная база і моцны кадравы склад дазваляюць навучэнцам дастойна прадстаўляць каледж на абласным, рэспубліканскім і міжнародным узроўнях.

Па выніках работы прадпрыемстваў, устаноў і арганізацый Кастрычніцкага раёна г. Віцебска за 2012–2013 гг. каледж быў тройчы занесены на раённую Дошку Гонару, а па выніках работы за 2014–2017 і 2021 гг. – на Дошку Гонару г. Віцебска.

У каледжы створаны маладзёжна-культурны цэнтр, у склад якога ўваходзяць шоу-балет «Экспрэсія», студыя сучаснага танца, вакальна-эстрадная студыя. Удзельнікі гэтага цэнтра з'яўляюцца лаўрэатамі гарадскіх, абласных і рэспубліканскіх конкурсаў: прафесійнага конкурсу творчасці працоўных калектываў «Новыя імёны Беларусі», рэспубліканскага агляду-конкурсу мастацкіх калектываў і індывідуальных выканаўцаў прафесійна-тэхнічнай і сярэдняй спецыяльнай адукацыі «Арт-вакацыі», конкурсу творчай моладзі «Праз творчасць – да майстэрства», абласнога конкурсу маладых выканаўцаў патрыятычнай песні «Песні юнацтва нашых бацькоў».

Адрас: Віцебская вобласць, горад Віцебск, вуліца Лазо, 113А.

Email: Этот адрес электронной почты защищен от спам-ботов. У вас должен быть включен JavaScript для просмотра.

ЛІТАРАТУРА

1. Бондарава, Т. Аб'яднаныя спортам / Т. Бондарава // Настаўніцкая газета. – 2021. – 4 лют. – С. 5.

2. Бондарава, Т. Да новых дасягненняў і перамог / Т. Бондарава // Настаўніцкая газета. – 2022. – 11 кастр. – С. 8. – (Дадат.: «Адукацыйная прастора»).

3. Быньков, А. Попасть прямо в цель! / А. Быньков // Віцьбічы = Витьбичи. – 2022. – 26 февр. – С. 13.

4. Витебский государственный технический колледж // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 205.

5. Константинович, А. Обучение одно – диплома два / А. Константинович // Витебские вести. – 2023. – 17 февр. – С. 14.

6. Леонькина, А. «Укротители» огня и стали / А. Леонькина // Віцьбічы = Витьбичи. – 2023. – 29 июня. – С. 1, ІІ. – (Прил.: «Вечерний Витебск»).

7. Наведаць цір / падрыхт. Т. Бондарава // Настаўніцкая газета. – 2022. – 26 лют. – С. 7.

8. Павлова, А. Колледж дополненной реальности / А. Павлова // Витебские вести. – 2022. – 4 окт. – С. 13.

9. Соловьева, Т. Без промахов – прямо в цель / Т. Соловьева // Витебские вести. – 2022. – 25 февр. – С. 19.

10. Широкова, С. Взаимодействовать и готовить профессионалов / С. Широкова // Віцьбічы = Витьбичи. – 2023. – 16 февр. – С. ІІІ. – (Прил.: «Вечерний Витебск»).

СПАСЫЛКІ

Вместе мы ВГТК

Видеообзор о центре компетенций современных строительных технологий

Виртуальная экскурсия в Витебский государственный технический колледж