Дом рамёстваў, ДУК. Чашніцкі раён, г. Чашнікі

Подробности

Створана 28.11.2019 12:23

Адноўлена 28.11.2019 11:16

Чашніцкі Дом рамёстваў быў адкрыты ў 1995 годзе і з'яўляецца культурна-асветніцкай установай, развіццё якой накіравана на адраджэнне, захаванне, прапаганду дэкаратыўна-прыкладнога мастацтва раёна і Беларусі.

Для захавання і падтрымкі традыцыйнай культуры ва ўстанове працуюць 12 калектываў, у якіх удзельнічае 119 чалавек. З іх 31 – удзельнік раённага народнага клуба майстроў і мастакоў «Майстар», які працуе на базе Чашніцкага Дома рамёстваў і аб'ядноўвае рамеснікаў і мастакоў Чашніцкага раёна. Яму прысвоена званне «народны» ў 1997 годзе. З 2007 года кіраўніком клуба з'яўляецца Атрашкевіч Валянціна Барысаўна.

Пры Доме рамёстваў працуюць такія майстэрні як: саломапляценне, ткацтва, гліняная цацка, выцінанка, вязанне кручком, творчая майстэрня мастацкай вышыўкі, творчая майстэрня саломапляцення, творчая майстэрня ганчарства, аплікацыя саломкай, пляценне паясоў.

Дом рамёстваў мае 6 прасторных майстэрняў і цудоўную выставачную залу, дзе праводзяцца прэзентацыі творчасці вядучых майстроў раёна.

Творчы калектыў Чашніцкага Дома рамёстваў выкарыстоўвае розныя формы дзейнасці: вядзенне гурткоў; арганізацыя выстаў; правядзенне майстар-класаў; арганізацыя фальклорна-этнаграфічных экспедыцый; удзел у рэспубліканскіх, абласных і раённых мерапрыемствах; стварэнне альбомаў з фотаматэрыялам аб майстрах і іх творчасці; павышэнне прафесійнага ўзроўню майстроў, праз стварэнне новых творчых работ; арганізацыя платных паслуг (выставы-продажы, рэалізацыя сувенірнай прадукцыі, платныя гурткі для дарослых, экскурсіі па выставачнай зале і майстэрнях).

Арганізаваны гурткі па дэкаратыўна-прыкладным мастацтве.

Адрас: Віцебская вобласць, Чашніцкі раён, г. Чашнікі, вуліца Савецкая, д. 71.

ЛІТАРАТУРА

1. Золотые руки мастеров // Чырвоны прамень (Чашнікі). – 2004. – 10 верас. – С. 6.

2. Паўлоўская, Л. З днём нараджэння, Дом рамёстваў! / Л. Паўлоўская // Чырвоны прамень (Чашнікі). – 12 снеж. – С. 2.

3. Старжынскі, А. Ад «А» да «Я» пра Дом рамёстваў / А. Старжынскі // Культура. – 2008. – 16–22 лют. – С. 10–11.

4. Чашникский районный Дом ремёсел // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 2. – С. 583–584.