Дом культуры чыгуначнікаў, ДУК. Аршанскі раён, г. Орша
- Подробности
- Створана 12.11.2018 12:23
- Адноўлена 12.11.2018 11:56
| Сучасная назва | Дом культуры чыгуначнікаў |
| Тып | дзяржаўная ўстанова культуры |
| Дата заснавання | 1927 |
| Месца знаходжання | Віцебская вобласць, Аршанскі раён, г. Орша |
На працягу шматгадовай гісторыі Дом культуры чыгуначнікаў быў і застаецца адным з асноўных культурных цэнтраў для насельніцтва горада Орша.
У 1925 годзе быў закладзены падмурак тады яшчэ клуба чыгуначнікаў на станцыі Орша, а ў 1927 – клуб прыняў сваіх першых наведвальнікаў. Дакладна вядома, што з дня заснавання ў клубе былі арганізаваны хоры, аркестры, нарадзіўся тэатр, працавала бібліятэка і рознага тыпу гурткі па інтарэсах.
Асабліва моцны ўсплеск актыўнасці насельніцтва клуб прыняў пасля Вялікай Айчыннай вайны.
У сярэдзіне 60-х гадоў будынак клуба цалкам рэканструявалі, а сам ён быў перайменаваны ў Дом культуры.
Менавіта тут была створана тэатральная студыя, акцёрамі якой сталі рабочыя і служачыя чыгункі. Сёння гэта народны тэатр, адзіны ў сваім родзе ў г. Орша і найстарэйшы ў рэспубліцы.
«Ві-ЗА-ВІ». Так называецца ўзорны ансамбль эстраднага танца, які таксама быў утвораны пры Доме культуры чыгуначнікаў. Народны ансамбль народнай песні з ласкавай назвай «Славяначка» зрабіў свае першыя крокі ў 1998 годзе. Таксама пры Доме культуры арганізаваны клуб аўтарскай песні і паэзіі «Акцэнт».
Штогод у Доме культуры чыгуначнікаў праходзіць студэнцкі фестываль «Аршанскі першацвет».
Адрас: Віцебская вобласць, Аршанскі раён, г. Орша, вуліца В. Молакава, д. 7.
ЛІТАРАТУРА
1. Божкова, Г. Награда большого таланта / Г. Божкова // Телеком-экспресс (Орша). – 2009. – 13 авг. – С. 3.
2. Дом культуры железнодорожников г. Орша культурно-спортивного центра УП «Минское отделение белорусской железной дороги» (г. Орша) // Каталог профсоюзных и ведомственных любительских коллективов художественного творчества Республики Беларусь со званием «Заслуженный любительский коллектив Республики Беларусь» и наименованием «Народный» («Образцовый»): на 1 октября 2016 года / Федерация профсоюзов Беларуси. – Минск : Проф-Пресс, 2016. – С. 70–74.
3. Дому культуры чыгуначнікаў – 75 год // Аршанская газета. – 2002. – 12 снеж. – С. 1.
4. Закржевский, Г. «Главное – не повторяться» / Г. Закржевский // Транспортный вестник. – 2008. – 21 авг. – С. 7.
5. Иванова, Е. ДКЖ круче всех! / Е. Иванова // Телеком-экспресс (Орша). – 2017. – 8 нояб. – С. 3.
6. Маршаловіч, Л. Дом, які збірае ўсіх разам / Л. Маршаловіч // Аршанская газета. – 2002. – 19 снеж. – С. 2.
