Хор народны ветэранаў. Полацкі раён, г. Полацк

Подробности

Створана 01.07.2019 12:23

Адноўлена 01.07.2019 15:19

Народны хор ветэранаў был створаны ў 1985 годзе па ініцыятыве Савета народнага клуба «Ветэран» пры гарадскім Палацы культуры. 3 1987 года калектыў мае званне народнага. Першым кіраўніком з'яўлялася Ганна Філіпаўна Заўт.

У рэпертуары творы беларускіх і іншых кампазітараў, песні грамадзянскай і Вялікай Айчыннай войнаў, народная класіка, песні самадзейных кампазітараў М. Пятрэнкі і У. Масленікава. Папулярнымі сталі песні мясцовых самадзейных аўтараў: «Ветэраны», «Прыязджайце да нас, на Полаччыну».

Хор выступае на гарадскіх мерапрыемствах, на прадпрыемствах, у школах, калгасах і саўгасах, у вайсковых часцях, выязджаў з канцэртамі ў Віцебск, Мінск, Пскоў і інш. Удзельнік гарадскіх і абласных аглядаў мастацкай самадзейнасці.

За гады актыўнай прапаганды харавога майстэрства і патрыятычнай песні, хор атрымаў мноства ўзнагарод як абласнога, так і рэспубліканскага ўзроўню. Калектыў больш за пяць разоў станавіўся лаўрэатам абласных фестываляў.

Кіраўнік хора – Красненка Зоя Ягораўна.

ЛІТАРАТУРА

1. Народны хор ветэранаў // Памяць: Полацк : гісторыка-дакументальныя хронікі гарадоў і раёнаў Беларусі / рэдкал.: Г. П. Пашкоў [і інш.] ; склад. С. С. Чарняўская ; навук. рэд.: Г. В. Штыхаў, С. В. Тарасаў ; мастак Э. Э. Жакевіч. – Мінск : БелЭн, 2002. – С. 878.

2. Румыніна, З. Влюбленные в песню / З. Румынина // Полацкі веснік. – 2011. – 2 верас. – С. 19.

3. Шуйская, О. Когда поёт душа / О. Шуйская // Полацкі веснік. – 2015. – 8 неж. – С. 4.