Хор народны работнікаў культуры. Сенненскі раён, г. Сянно

Подробности

Створана 12.09.2019 12:23

Адноўлена 01.10.2019 09:35

Харавы калектыў Сенненскага раённага Дома культуры быў створаны ў кастрычніку 1991 года. З 2001 года мае званне «народны».

У складзе хору 22 удзельнікі: работнікі Сенненскага раённага Цэнтра культуры і народнай творчасці, бібліятэкары, выкладчыкі Сенненскай школы мастацтваў.

Рэпертуар хору складаюць творы розных жанраў: духоўная музыка, класічная, творы прафесійных і самадзейных аўтараў, беларускія народныя песні, лірычная музыка. Харавы калектыў выконвае творы беларускіх аўтараў.

Калектыў прымае ўдзел у канцэртах і мерапрыемствах, якія прысвечаны перадавікам раёна, Дню Перамогі, Дню Незалежнасці.

Хор – пастаянны ўдзельнік Міжнароднага конкурсу «Браслаўская харавая асамблея».

ЛІТАРАТУРА

1. Хор работнікаў культуры // Памяць: Сенненскі раён : гісторыка-дакументальныя хронікі гарадоў і раёнаў Беларусі / рэдкал.: У. С. Богаў [і інш.] ; уклад. С. В. Шайко ; мастак Э. Э. Жакевіч. – Мінск : Паліграфафармленне, 2003. – С. 578.