Крыніца «Каплічка». Сенненскі раён, г. Сянно
- Подробности
- Створана 23.09.2019 15:23
- Адноўлена 01.10.2019 09:46
З даўніх часоў над крыніцай знаходзілася капліца, якая была знесена ў 1937 годзе. Адсюль і сучасная назва крыніцы «Каплічка».
Вада з крыніцы заўсёды лічылася лекавай. Яшчэ ў 1802 годзе ў г. Сянно з аглядам вучылішчаў пабываў расійскі мінеролаг і хімік Васіль Севяргін. Ён адзначыў: «Вода имеет серопеченочный (сероводородный запах), при том слабит низом и облегчает грудь, когда пьют оной стакана два по утру».
Крыніца змяшчае невялікую колькасць серавадароду і селен.
Напрыканцы 1990-х гадоў мясцовыя ўлады добраўпарадкавалі крыніцу: паставілі жалезабетонныя кольцы, вакол іх узвялі паўкруглы будынак у выглядзе часоўні.
Рашэннем Сенненскага райвыканкама № 107 ад 18.02.2011 г. крыніца набыла статус гідралагічнага помніка прыроды мясцовага значэння.
Помнік прыроды знаходзіцца на поўдзень ад Сенненскага возера, каля дома № 8 па вуліцы Віцебская ў г. Сянно. Вуліца з'яўляецца рэспубліканскай дарогай Р86.
Землекарыстальнік – УП «ЖКГ». Мяжа ахоўнай зоны – 42 м па перыметры ад крыніцы. Агульная плошча – 90 м2. Забеспячэнне крыніцы ажыццяўляецца з паўднёва-ўсходняга напрамку.
Прылеглая тэрыторыя да помніка прыроды ў тратуарнай плітцы. Вада выводзіцца праз трубу.
  
|
ЛІТАРАТУРА
1. Бандарэвіч, В. В. Каплічка : краязнаўчыя нарысы / В. В. Бандарэвіч ; В. В. Бандарэвіч // Экскурсія да вытокаў горада Сянно. – 2008. – С. 30–32.
2. Кавалеўскі, С. Карысць з крыніц / С. Кавалеўскі // Народнае слова. – 2004. – 4 верас. – С. 5.
3. Кавалеўскі, С. Гаючы сенненскі выток / С. Кавалеўскі // Витебские вести. – 2014. – 29 марта. – С. 12.
4. Карысная «Каплічка» / падрыхт.: С. Кавалеўскі, А. Бынькоў // Витебские вести. – 2017. – 22 апр. – С. 9.
СПАСЫЛКІ
