Памятны знак «Боль». Сенненскі раён, в. Казлоўка
- Подробности
- Створана 24.09.2019 15:23
- Адноўлена 24.09.2019 14:57
За 0,4 км ад паўднёва-ўсходняй ускраіны в. Казлоўка, каля дарогі на Сянно пахаваны 945 мірных грамадзян. У першыя дні акупацыі нямецка-фашысцкія захопнікі стварылі ў г. Сянно канцлагер. 29 снежня 1941 года вывелі вязняў, сярод якіх былі жанчыны, дзеці і старыя, і каля в. Казлоўка расстралялі. У 1984 годзе на магіле была пастаўлена стэла.
10 ліпеня 2019 года на магіле адбылася ўрачыстая цырымонія адкрыцця памятнага знака «Боль» вязням Сенненскага гета, які дзейнічаў з верасня па снежань 1941 года. Акупанты стварылі канцлагер на месцы сучаснага мікрараёна Галынкі. 29 снежня 1941 года вязняў пачалі ўводзіць групамі па 40 чалавек, прымушалі спускацца ў выкапаныя ямы і расстрэльвалі.
Акрамя памятнага знака з'явілася алея, уздоўж якой размешчаны мемарыяльныя пліты з імёнамі загінуўшых. Была добраўпарадкавана і брацкая магіла.
Аўтар помніка – віцебскі скульптар Іван Казак.
Сімвалічна, што адкрыццё памятнага знака адбылося 10 ліпеня – у дзень, калі была акупіравана Сенненшчына ў 1941 годзе.
|
ЛІТАРАТУРА
1. Магіла ахвяр фашызму // Збор помнікаў гісторыі і культуры Беларусі. Віцебская вобласць / рэдкал.: С. В. Марцэлеў [і інш.]. – Мінск : БелСЭ імя П. Броўкі, 1985. – С. 401.
СПАСЫЛКІ
