Помнікі землякам. Сенненскі раён

Подробности

Створана 24.09.2019 15:23

Адноўлена 01.10.2019 14:58

 Помнік землякам у г. Сянно

У 1998 годзе на ўшанаванне памяці землякоў, загінуўшых у гады Вялікай Айчыннай вайны, быў устаноўлены помнік «Адроджанае жыццё». Скульптар – В. Дубовік.

 Помнік землякам у в. Вялікі Азярэцк

На заходняй ускраіне в. Вялікі Азярэцк Ульянавіцкага сельсавета насупраць будынка школы быў пастаўлены помнік – скульптура воіна на ўшанаванне памяці 81 земляка, якія загінулі ў гады Вялікай Айчыннай вайны.

 Помнік землякам у в. Канстантова

У в. Канстантова Обальскага сельсавета, каля школы ў 1968 годзе на ўшанаванне былі пастаўлены 5 стэл з імёнамі 238 аднавяскоўцаў, якія загінулі ў гады Вялікай Айчыннай вайны на франтах і ў партызанскай барацьбе супраць нямецка-фашысцкіх захопнікаў.

 Помнік землякам у аг. Літусава

У цэнтры в. Літусава на ўшанаванне памяці 146 землякоў, якія загінулі ў баях супраць нямецка-фашысцкіх захопнікаў на франтах Вялікай Айчыннай вайны і ў партызанскай барацьбе, у 1970 годзе быў пастаўлены абеліск.

 Помнік землякам у в. Папоўка

У цэнтры в. Папоўка Нямойтаўскага сельсавета на ўшанаванне памяці 75 землякоў, якія загінулі ў гады Вялікай Айчыннай вайны, у 1972 годзе быў пастаўлены помнік – скульптурная кампазіцыя: два воіны.

 Помнік землякам у в. Пасад

У цэнтры в. Пасад Багушэўскага сельсавета на ўшанаванне памяці 50 землякоў, якія загінулі ў гады Вялікай Айчыннай вайны на франтах і ў партызанскай барацьбе супраць нямецка-фашысцкіх захопнікаў, у 1967 годзе быў пастаўлены абеліск з надпісам-прысвячэннем.

 Помнік землякам у в. Пожанькі

На ўсходняй ускраіне в. Пожанькі на ўшанаванне памяці 143 землякоў, якія загінулі ў гады Вялікай Айчыннай вайны, у 1967 годзе быў пастаўлены абеліск.

 Помнік землякам у аг. Рулёўшчына

У цэнтры в. Рулёўшчына на ўшанаванне памяці 58 землякоў, якія загінулі ў гады Вялікай Айчыннай вайны, у 1974 годзе пастаўлены помнік – скульптура воіна.

ЛІТАРАТУРА

1. Сенненскі раён // Збор помнікаў гісторыі і культуры Беларусі. Віцебская вобласць / рэдкал.: С. В. Марцэлеў [і інш.]. – Мінск : БелСЭ імя П. Броўкі, 1985. – С. 396–408.