Магіла Буйніцкага Ігната Цярэнцьевіча. Глыбоцкі раён, аг. Празарокі

Подробности

Створана 22.10.2019 15:23

Адноўлена 22.10.2019 15:57

Магіла Ігната Буйніцкага знаходзіцца ў цэнтры аграгарадка. Помнік адкрыты 10 кастрычніка 1965 года. Скульптары – І. Місько і М. Бурдзін. Размешчана на прамавугольнай пляцоўцы каля магілы сярод клёнаў і ліп. Пляцоўка і дарожка выкладзены бетоннай пліткай. Помнік просты і сціплы па форме: прамавугольная адлітая з бетону стэла, у яе ўрэзаны блок з выявай твару І. Буйніцкага (алюмініевае ліццё). Падкрэслена тыповае ў твары: вялікі выпуклы лоб, шырокія бровы, звіслыя пышныя вусы. На стэле дзвюма плаўнымі лініямі сімвалічна пазначана тэатральная заслона.

ЛІТАРАТУРА

1. Магіла Буйніцкага Ігната Цярэнцьевіча // Збор помнікаў гісторыі і культуры Беларусі. Віцебская вобласць / рэдкал.: С. В. Марцэлеў [і інш.]. – Мінск : БелСЭ імя П. Броўкі, 1985. – С. 236–237.