Месца Беразвецкага лагера смерці. Глыбоцкі раён, г. Глыбокае

Подробности

Створана 22.10.2019 15:23

Адноўлена 22.10.2019 15:59

Напачатку вайны, на месцы былога Беразвецкага манастыра, фашысты стварылі канцэнтрацыйны лагер ваеннапалонных «Шталаг № 351». Створаны нямецка-фашысцкімі акупантамі для масавай загубы савецкіх ваеннапалонных. Ад голаду і холаду, ад непасільнай працы ў лагеры штодзень паміралі сотні людзей. За час яго існавання – з верасня 1941 г. да ліпеня 1944 г. – у лагеры загінула больш за 27 тысяч савецкіх і італьянскіх ваеннапалонных, мірных жыхароў. Лагер займаў плошчу каля 3 га, быў абгароджаны калючым дротам.

Месцам масавага пахавання вязняў Беразвецкага лагера стала ўрочышча Барок, якое знаходзіцца недалёка ад Глыбокага.

У 1946 годзе на ўшанаванне памяці загінуўшых у Барку былі пастаўлены 2 помнікі-абеліскі. У 1964 г. тут быў створаны мемарыяльны комплекс «Барок».

ЛІТАРАТУРА

1. Месца Беразвецкага лагера смерці // Збор помнікаў гісторыі і культуры Беларусі. Віцебская вобласць / рэдкал.: С. В. Марцэлеў [і інш.]. – Мінск : БелСЭ імя П. Броўкі, 1985. – С. 227.