Помнік вызвалення. Талачынскі раён, г. Талачын

Подробности

Створана 30.01.2020 09:34

Адноўлена 30.01.2020 10:58

Помнік вызвалення (Курган Славы) знаходзіцца ў Талачыне на шашы Мінск – Масква, каля аўтастанцыі.

У канцы чэрвеня 1944 года 19-я гвардзейская танкавая брыгада (камандзір гвардыі палкоўнік Г. А. Пахадзееў) 3-га гвардзейскага танкавага корпуса 5-й гвардзейскай танкавай арміі 3-га Беларускага фронту разгарнула наступленне ў напрамку Талачына. Прарваўшы моцную абарону ворага, раніцай 26 чэрвеня танкісты ўварваліся ў горад. На яго вуліцах пачаліся цяжкія баі. 19-я гвардзейская танкавая брыгада знішчыла агнявыя кропкі праціўніка, захапіла важнейшыя аб'екты і да 19 гадзін авалодала Талачыном.

У 1969 годзе ў памяць аб вызваленні Талачына ад нямецка-фашысцкіх акупантаў пастаўлены помнік – скульптурная група: воін і партызан.

ЛІТАРАТУРА

1. Дулеба, Г. І. Помнік вызвалення (Талачын) / Г. І. Дулеба // Збор помнікаў гісторыі і культуры Беларусі. Віцебская вобласць / рэдкал.: С. В. Марцэлеў [і інш.]. – Мінск : БелСЭ імя П. Броўкі, 1985. – С. 412.

2. Курган Славы / падрыхт.: В. Бірукоў, І. Пікулік // Наша Талачыншчына. – 2009. – 19 верас. – С. 3.

3. Чыкун, Л. Яны – сведкі нашай гісторыі / Л. Чыкун // Наша Талачыншчына. – 2008. – 19 крас. – С. 2.