Помнік Ю. А. Гагарыну. Шаркаўшчынскі раён, аг. Наваселле

Подробности

Створана 26.11.2019 15:23

Адноўлена 10.03.2020 10:49

Знаходзіцца за 0,5 км на ўсход ад будынка былога праўлення калгаса імя Ю. А. Гагарына. Пастаўлены ў 1971 годзе. Агульная вышыня помніка – 3,5 м, бюста – 0,9 м. Адліты з бронзы і бетону. Скульптар – А. Паўлючук.

Бюст касманаўта, Героя Савецкага Саюза Ю. А. Гагарына ўстаноўлены на складанапрафіляваным пастаменце, які ўверсе пераходзіць у прамавугольны. Стылабат помніка квадратны ў плане. Аўтар акцэнтуе ўвагу на пластыцы твару, падкрэслівае мужны і валявы характар героя. На пастаменце надпіс: «Ю. А. Гагарын».

Помнік вылучаецца прастатой кампазіцыйнага вырашэння, дакладным партрэтным падабенствам, праўдзівасцю вобраза.

ЛІТАРАТУРА

1. Помнік Гагарыну Юрыю Аляксеевічу // Збор помнікаў гісторыі і культуры Беларусі. Віцебская вобласць / рэдкал.: С. В. Марцэлеў [і інш.]. – Мінск : БелСЭ імя П. Броўкі, 1985. – С. 462.