Афганистан. Без права на забвение

Афганистан. Без права на забвение

Афганистан. Без права на забвение

Художники Витебщины

Художники Витебщины

Художники Витебщины

Помнік партызанам. Расонскі раён, г. п. Расоны

19 верасня 1942 года партызаны Расонскай брыгады імя I. В. Сталіна вызвалілі г. п. Расоны ад нямецка-фашысцкіх захопнікаў.

У жніўні 1942 года народныя мсціўцы разграмілі гарнізоны акупантаў у аграгарадках Клясціцы, Сакалішча, в. Сівошына.

За кароткі час тэрыторыі Асвейскага і Расонскага раёнаў цалкам, а Дрысенскага, Полацкага і іншых часткова былі вызвалены ад нямецка-фашысцкіх захопнікаў.

Створана Расонска-Асвейская партызанская зона, дзе была адноўлена савецкая ўлада. Асвейскі, Дрысенскі і Расонскі падпольныя райкамы КП(б)Б ажыццяўлялі кіраўніцтва палітычнага і эканамічнага жыцця ў рэгіёне.

Зону ўтрымлівалі партызанскія брыгады «За Савецкую Беларусь», Расонская імя I. В. Сталіна, Асвейская імя М. В. Фрунзе, 1-я Дрысенская, 3-я і 7-я Калінінскія, Латышская.

У 1981 годзе ў гонар партызан, якія ў 1942 годзе вызвалілі г. п. Расоны ад нямецка-фашысцкіх акупантаў, пастаўлены помнік – валун з надпісам.

 

Помнік партызанам. Расонскі раён, г. п. Расоны. Фотаздымак з сайта http://wwii.space

ЛІТАРАТУРА

1. Помнікі гісторыі і культуры Расоншчыны // Памяць: гісторыка-дакументальная хроніка Расонскага раёна / рэдкал.: Б. І. Сачанка [і інш.] ; мастак А. М. Хількевіч. – Мінск : БелЭн імя П. Броўкі, 1994. – С. 547–554

2. Помнік партызанам // Збор помнікаў гісторыі і культуры Беларусі. Віцебская вобласць / рэдкал.: С. В. Марцэлеў [і інш.]. – Мінск : БелСЭ імя П. Броўкі, 1985. – С. 382.