Магілы ахвяр фашызму. Гарадоцкі раён

Подробности

Створана 07.04.2020 09:34

Адноўлена 07.07.2020 14:42

 Магіла ахвяр фашызму ва ўрочышчы «Вераб'ёвы горы»

Пахаваны 69 мірных жыхароў, якія былі расстраляны фашыстамі 7 студзеня 1943 года.

 Магіла ахвяр фашызму ва ўрочышчы «Вераб'ёвы горы»

Пахаваны 348 мірных жыхароў, якія былі расстраляны фашыстамі ў гады Вялікай Айчыннай вайны.

 Магіла ахвяр фашызму ў в. Балотніца

У цэнтры вёскі. У канцы верасня 1942 года нямецка-фашысцкія акупанты загубілі 33 жыхары і спалілі вёску. У 1964 годзе на магіле пастаўлены абеліск.

 Магіла ахвяр фашызму ў в. Вярэчча

Знаходзіцца ў цэнтры вёскі. Пахаваны 50 савецкіх грамадзян, якіх у канцы лютага 1943 года загубілі гітлераўскія карнікі. У 1965 годзе на магіле пастаўлены абеліск.

 Магіла ахвяр фашызму ў в. Вярэчча

Знаходзіцца на могілках. Пахаваны 30 мірных грамадзян, якіх у сакавіку 1943 года спалілі гітлераўцы. У 1965 годзе на магіле пастаўлены абеліск.

 Магіла ахвяр фашызму ў в. Дарахі

Знаходзіцца ў вясковым скверы. Пахаваны астанкі 39 жыхароў, якіх у 1942 годзе жывымі спалілі нямецка-фашысцкія акупанты. У 1964 годзе на магіле пастаўлены абеліск.

 Магіла ахвяр фашызму ў в. Дуброва

Знаходзіцца на ўскраіне вёскі, за 200 м ад калгаснай фермы. Пахаваны 30 мірных жыхароў, якіх 26 лютага 1943 года расстралялі нямецка-фашысцкія акупанты. У 1965 годзе на магіле пастаўлены абеліск.

 Магіла ахвяр фашызму ў г. п. Езярышча

Знаходзіцца на могілках. Пахаваны каля 400 жыхароў, загубленых гітлераўцамі ў гады Вялікай Айчыннай вайны. У 1956 годзе на магіле пастаўлены абеліск.

 Магіла ахвяр фашызму ў в. Зайкава

Знаходзіцца за 0,5 км ад вёскі, на могілках. Пахаваны 12 жыхароў, расстраляных нямецка-фашысцкімі захопнікамі ў 1942 годзе. У 1966 годзе на магіле пастаўлены абеліск.

 Магіла ахвяр фашызму ў в. Зарэчча

Знаходзіцца за 400 м на захад ад вёскі, на ўзлессі. Пахаваны 95 грамадзян, якіх у 1943 годзе нямецка-фашысцкія карнікі спалілі жывымі. У 1964 годзе на магіле пастаўлены абеліск.

 Магіла ахвяр фашызму ў в. Прывальні

Знаходзіцца за 100 м на поўнач ад вёскі, на тэрыторыі лесаўчастка. Пахаваны 27 мірных жыхароў, якіх у лютым 1943 года жывымі спалілі нямецка-фашысцкія карнікі. У 1964 годзе на магіле пастаўлены абеліск.

 Магіла ахвяр фашызму ў в. Селязні

Магіла ахвяр фашызму. За 300 м на паўднёвы ўсход ад вёскі. Пахаваны больш за 2000 мірных жыхароў, забітых вясной 1943 года нямецка-фашысцкімі захопнікамі ў Шчалбоўскіх лясах у час карнай аперацыі. У 1975 годзе на магіле пастаўлены абеліск.

 Магіла ахвяр фашызму ў в. Сінякі

Знаходзіцца на паўночна-ўсходняй ускраіне вёскі, непадалёку ад дарогі на в. Марчанкі. Тут 5 лютага 1943 года нямеца-фашысцкія карнікі загубілі 87 мірных савецкіх грамадзян. У 1964 годзе на магіле пастаўлены абеліск.

 Магіла ахвяр фашызму ў в. Стаі

Знаходзіцца за 400 м на поўдзень ад вёскі, на могілках. Пахаваны 300 жыхароў, якіх у канцы лютага 1943 года загубілі гітлераўскія карнікі. У 1965 годзе на магіле пастаўлены абеліск.

 Магіла ахвяр фашызму ў в. Сячонка

Знаходзіцца на заходняй ускраіне вёскі. Пахаваны 100 мірных жыхароў, загубленых у лютым 1943 года нямецка-фашысцкімі акупантамі. У 1964 годзе на магіле пастаўлены абеліск.

 Магіла ахвяр фашызму ў в. Улішацы

Знаходзіцца за 300 м ад вёскі па дарозе Гарадок – Мяжа. Пахаваны 18 мірных жыхароў, загубленых 5 лютага 1943 года нямецка-фашысцкімі акупантамі. У 1964 годзе на магіле пастаўлены абеліск.

 Магіла ахвяр фашызму ў в. Фралова

Знаходзіцца ў цэнтры вёскі. Пахаваны 12 мірных жыхароў, загубленых у сакавіку 1943 года гітлераўскімі карнікамі. У 1964 годзе на магіле пастаўлены абеліск.

 Магіла ахвяр фашызму ў в. Хартова

Знаходзіцца ў цэнтры вёскі. Пахаваны астанкі жыхароў в. Пальмінка і навакольных вёсак, якіх у 1943 годзе гітлераўцы спалілі жывымі ў адным з будынкаў. У 1965 годзе на магіле пастаўлены помнік – скульптура жанчыны ў жалобе.

 Магіла ахвяр фашызму ў в. Хартова

Знаходзіцца ў цэнтры вёскі. Пахаваны 3 жыхары вёскі, расстраляныя нямецка-фашысцкімі захопнікамі 2 студзеня 1943 года. У 1962 годзе на магіле пастаўлены абеліск.

ЛІТАРАТУРА

1. Гарадоцкі раён // Збор помнікаў гісторыі і культуры Беларусі. Віцебская вобласць / рэдкал.: С. В. Марцэлеў [і інш.]. – Мінск : БелСЭ імя П. Броўкі, 1985. – С. 201–222.