Помнік Пушкіну Аляксандру Сяргеевічу. Віцебск, г.

Подробности

Створана 11.11.2021 13:17

Адноўлена 11.11.2021 13:17

Помнік Аляксандру Сяргеевічу Пушкіну знаходзіцца ў цэнтры Віцебска ў скверы імя Пушкіна, побач з тэатрам Якуба Коласа. Аўтары – скульптар І. Казак, архітэктар В. Ягадніцкі. Гэта адзін з класічных прыкладаў помнікаў Віцебска, усталяваных у канцы мінулага стагоддзя.

Помнік не вылучаецца вялікімі памерамі і ўяўляе сабой складаную кампазіцыю: мініяцюрная рэалістычная постаць рускага паэта стаіць перад абстрактным малюнкам вялікага горада, які нагадвае крылы.

Вялікі рускі паэт двойчы праязджаў праз Віцебск па так званым Беларускім тракце: па дарозе ў паўднёвую ссылку (1820) і ў ссылку з Адэсы ў сяло Міхайлаўскае Пскоўскай губерні (1824). Пра гэта кажа і тлумачальная шыльда на помніку: «У чэрвені 1820 і ў жніўні 1824 гг. праз Віцебск праязджаў Пушкін». Спыняўся паэт у двараніна Пятра Нашчокіна. Акрамя таго, менавіта адзін з сяброў Аляксандра Сяргеевіча, жыхар Віцебскай губерні, падказаў паэту сюжэт для аповесці «Дуброўскі».

Імем А. С. Пушкіна ў Віцебску названа гарадская бібліятэка, гімназія № 3, вуліца (былая Тэатральная) працягласцю 200 м. У 2011 годзе праведзена рэканструкцыя гэтай вуліцы і прылеглага да яе сквера. Асфальтавае пакрыццё заменена на цэментаваную і гранітную плітку, устаноўлены дэкаратыўныя ліхтары, у скверы ёсць фантан. Вуліца стала пешаходнай. Пушкінскім названы і адзін з мастоў праз р. Віцьбу.

Пачынаючы з 1989 года, калі адбылося ўрачыстае адкрыццё помніка ў гонар вялікага паэта, штогод 6 чэрвеня ў дзень яго нараджэння праводзіцца літаратурнае свята.

ЛІТАРАТУРА

1. Буткевич, С. Пушкин на Витьбе / С. Буткевич // Советская Белоруссия. – 1989. – 12 сент. – С. 4.

2. Зімін, І. Пушкіну прысвечаны / І. Зімін // Літаратура і мастацтва. – 1989. – 29 кастр. – С. 9.

3. Кавалевский, С. Пушкин отлитый и вылитый / С. Кавалевский // Народнае слова. – 2003. – 17 чэрв. – С. 8.

4. Памятник А. С. Пушкину // Витебск : путеводитель / текст Л. Хмельницкая ; фото: В. Базан, С. Плыткевич. – Минск : Рифтур, 2006. – С. 29.

5. Пастернак, Т. К нему не зарастет народная тропа...: в Витебске отметили 220-летие со дня рождения Александра Пушкина / Т. Пастернак // Витебские вести. – 2019. – 8 июня. – С. 16.

6. Пастернак, Т. С днем рождения, Александр Сергеевич! / Т. Пастернак // Народнае слова. – 2002. – 8 чэрв. – С. 1.

7. Серебрякова, Т. Читали Пушкина / Т. Серебрякова // Віцьбічы = Витьбичи. – 2021. – 10 июня. – С. V.

8. Симанович, Д. А Пушкинской дороге нет конца... / Д. Симанович // Вечерний Витебск. – 1998. – 6 июня. – С. 1, 4.