Помнік Гараўцу Аляксандру Канстанцінавічу. Віцебск, г.

Подробности

Створана 11.11.2021 15:54

Адноўлена 12.11.2021 10:06

Помнік лётчыку Аляксандру Канстанцінавічу Гараўцу ў Віцебску быў усталяваны ў 1995 годзе ў скверы паміж вуліцамі Камуністычнай і Гараўца. Вуліца названа ў гонар лётчыка ў 1957 годзе. Раней на ёй жылі яго бацькі. Аўтары помніка – скульптары М. М. Інькоў і А. Я. Арцімовіч, сумесна з архітэктарам В. В. Рыбаковым. Гранітная скульптура ўяўляе сабой лётчыка, які знаходзіцца ў небе.

Аляксандр Гаравец нарадзіўся ў в. Машканы Сенненскага раёна. Скончыў віцебскую школу-сямігодку, працаваў слесарам, вучыўся ў аэраклубе. У 1935 годзе скончыў лётную школу ва Ульянаўску. У гады Вялікай Айчыннай вайны – ваенны лётчык. З 1942 года – намеснік камандзіра эскадрыллі знішчальнага авіяпалка. Гаравец здзейсніў 74 баявыя вылеты. 6 ліпеня 1943 года падчас Курскай бітвы ўступіў у паветраны бой з 20 фашысцкімі бамбардзіроўшчыкамі. Збіўшы 9 самалётаў, гераічна загінуў. Аляксандр Гаравец – адзіны ў свеце лётчык, які збіў у адным баі дзевяць самалётаў. Удастоены звання «Герой Савецкага Саюза».

Урачыстае адкрыццё помніка адбылося 8 мая 1995 года.

ЛІТАРАТУРА

1. Герой Советского Союза А. Горовец // Доски, берегущие память : справочник / А. Подлипский, В. Рогач. – Витебск : Віцебская абласная друкарня, 2006. – С. 60.

2. Памятник Герою Советского Союза Александру Горовцу // В граните и бронзе: памятники и памятные знаки Витебска / А. М. Подлипский. – Витебск : Витебская областная типография, 2015. – С. 56–58.

СПАСЫЛКІ

 Памятник летчику Горовцу в Витебске