Помнік на магіле невядомага салдата. Віцебск, г.

Подробности

Створана 12.11.2021 08:55

Адноўлена 12.11.2021 08:55

Помнік на магіле невядомага салдата знаходзіцца на вуліцы Цэнтральнай у г. п. Руба, перад будынкам сярэдняй школы. Тут пахаваны савецкі воін, які загінуў у барацьбе супраць нямецка-фашысцкіх захопнікаў у гады Вялікай Айчыннай вайны. Ён адзін з тых многіх тысяч салдат, ні прозвішчаў, ні імёнаў якіх мы не ведаем. Яго астанкі знайшлі выпадкова, падчас пракладвання дарогі. Адбылося гэта ў 1965 годзе, тады яго перапахавалі ў пасёлку і паставілі часовы помнік. Праз дзесяць гадоў на магіле пастаўлены новы абеліск (скульптар В. Касіцын, архітэктар А. Іванін; бетон; вышыня 6 м). Ён уяўляе сабой стэлу, якая пашыраецца ўверсе і плаўна пераходзіць у скульптурную паўфігуру салдата. У адной руцэ салдат трымае аўтамат, ва ўзнятай другой – сцяг. Выразны сілуэт, абагульненая мадэліроўка скульптурных формаў, дынамізм кампазіцыі надаюць помніку манументальнасць.

ЛІТАРАТУРА

1. Магіла невядомага салдата // Памяць. Беларусь : рэспубліканская кніга / галоўная рэдакцыя: Б. І. Сачанка [і інш.]. – Мінск : БелЭн, 1995. – С. 113

2. Могила неизвестного солдата // Витебск : энциклопедический справочник / редкол.: И. П. Шамякин [и др.]. – Минск : БелСЭ, 1988. – С. 243.

3. Памятник Неизвестному Солдату // В граните и бронзе: памятники и памятные знаки Витебска / А. М. Подлипский. – Витебск : Витебская областная типография, 2015. – С. 99–100.

4. Ярмоленка, Г. М. Магіла невядомага салдата / Г. М. Ярмоленка // Збор помнікаў гісторыі і культуры Беларусі. Віцебская вобласць / рэдкал.: С. В. Марцэлеў [і інш.]. – Мінск : БелСЭ імя П. Броўкі, 1985. – С. 86.