Млын вадзяны. Аршанскі раён, г. Орша

Подробности

Створана 18.10.2018 15:23

Адноўлена 08.11.2018 16:55

Знаходзіцца на вул. Замкавая, д. 2, на штучным канале, які злучае р. Аршыца з Дняпром. Пабудаваны ў комплексе з арачным мостам у 1902 г. з чырвонай цэглы. Выкарыстоўваецца пад этнаграфічны музей «Млын».

Млын пабудаваны на бутавым падмурку. Накрыты двухсхільным бляшаным дахам. Складаецца з трохпавярховага прамавугольнага ў плане галоўнага аб'ёму і аднапавярховага рабочага памяшкання. Архітэктура вырашана ў традыцыях псеўдаготыкі, з асобнымі элементамі псеўдарускага стылю. Сцены, прарэзаныя лучковымі праёмамі, не атынкаваныя а толькі пабеленыя. Элементы члянення: лапаткі, гарызантальныя паясы («плоскія» і «парэбрыкам»), антаблемент – натуральны колер чырвонай цэглы. Галоўны (паўднёва-ўсходні) фасад завяршае франтон з дэкаратыўным круглым акном, па баках якога з цэглы выкладзена дата пабудовы – 1902 год.

Мост – аднапралётная арачная канструкцыя з чырвонай цэглы на бутавым падмурку. Асобныя дэталі (парапет са стральчатымі праёмамі, картушавыя шчыты па баках аркі) надаюць збудаванню псеўдагатычныя рысы.

Млын з мостам – помнік прамысловай архітэктуры Беларусі пачатку XX ст.

ЛІТАРАТУРА

1. Аршанскі вадзяны млын // Архітэктура Беларусі : энцыклапедычны даведнік / рэдкал.: А. А. Воінаў [і інш.]. – Мінск : БелЭн імя П. Броўкі, 1993. – С. 53–54.

2. Аршанскі вадзяны млын // Культура Беларусі : энцыклапедыя / рэдкал.: Т. У. Бялова [і інш.]. – Мінск : БелЭн імя П. Броўкі, 2010. – Т. 1 : А–Б. – С. 249.

3. Вадзяны млын // Збор помнікаў гісторыі і культуры Беларусі. Віцебская вобласць / рэдкал.: С. В. Марцэлеў [і інш.]. – Мінск : БелСЭ, 1985. – С. 90.

4. Вадзяны млын // Памяць: Орша. Аршанскі раён : гісторыка-дакументальныя хронікі гарадоў і раёнаў Беларусі : у 2 кн. / рэдкал.: Г. П. Пашкоў [і інш.] ; склад.: Т. Г. Ігнацьева [і інш.] ; мастак Э. Э. Жакевіч. – Мінск : БелЭн, 2000. – Кн. 2. – С. 462.

5. Оршанская водяная мельница // Туристские регионы Беларуси / редкол.: Г. П. Пашков [и др.] ; под общ. ред. И. И. Пирожника ; сост. Л. В. Ловчая. – Минск : БелЭн, 2008. – С. 168.

6. Оршанская водяная мельница // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн, 2011. – Т. 2 : Витебская область : в 2 кн. – Кн. 2. – С. 236.

7. Сохраняя традиции // Телеком-экспресс (Орша). – 2012. – 5 янв. – С. 21.