Будынак Лужаснянскай земляробчай школы. Віцебскі раён, г. п. Лужасна

Подробности

Створана 02.04.2019 15:23

Адноўлена 02.04.2019 10:14

Будынак знаходзіцца ў паўднёвай частцы вёскі. Помнік архітэктуры стылю мадэрн. Узведзены ў 2-й п. ХIХ ст. 15 лістапада 1909 года ў будынку адкрыта земляробчая школа.

Мураваны 2-павярховы Г-падобны ў плане будынак. Выступы аб'ёмаў ствараюць невялікі ўнутраны дворык. У аб'ёмна-прасторавай кампазіцыі вылучаецца трохпавярховая вуглавая частка з уваходам, сіметрычнай групоўкай праёмаў, складанымі шчытамі. Паміж імі размешчаны высокі спічасты шацёр, які надае выразнасць сілуэту будынка. Фасады вырашаны ў 2 колеры. Плоскасці фасадаў прарэзаны 2 радамі шырокіх акон, прамавугольных на 1-м паверсе і лучковых на 2-м. Сістэма размяшчэння памяшканняў – калідорная. На кожным паверсе – па тры пакоі. Захаваліся белыя кафляныя печы.

Зараз у будынку школы знаходзіцца кафедра механізацыі сельскай гаспадаркі Лужаснянскага аграрнага каледжа.

ЛІТАРАТУРА

1. Земляробчая школа // Збор помнікаў гісторыі і культуры Беларусі. Віцебская вобласць / рэдкал.: С. В. Марцэлеў [і інш.]. – Мінск : БелСЭ, 1985. – С. 191.

2. Лужеснянской земледельческой школы здание // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн, 2007. – Т. 4 : Картография–Миноговые. – С. 555.