Манастыр Пакроўскі мужчынскі. Аршанскі раён, г. Орша

Подробности

Створана 22.10.2018 15:23

Адноўлена 12.11.2018 08:46

Знаходзіцца на правым беразе р. Аршыца. Пабудаваны ў 1758 годзе з каменя паводле пажадання і на ахвяраванні аршанскага старасты Івана Ляпкоўскага і са згоды яго брата ротмістра Міхаіла. Ансамбль манастыра складаўся з царквы Апекі Маці Божай, прыбудаванага да яе кляштарнага жылога корпуса і царквы Св. Яўхіма. У канцы XVIII – пачатку XIX стст. мужчынскі манастыр узначальваў Іраклій Лісоўскі.

Пасля рэвалюцыі ў манастырскіх келлях размясціліся земаддзел, чарцёжны архіў і акруговы краязнаўчы музей.

У гады Вялікай Айчыннай вайны ў царкве знаходзіўся склад харчовых тавараў. Жылыя памяшканні выкарыстоўваліся як падменны фонд ЖЭУ і майстэрні мастакоў.

У 1969 годзе па рашэнні гарадской камісіі будынак царквы быў прызнаны аварыйным і падлягаў зносу. Да нашых дзён захаваліся толькі руіны былога кялейнага корпуса кляштара, якія ў 2005 годзе былі перададзеныя Віцебскай дыяцэзіі. Зараз Пакроўскі манастыр закансерваваны і рыхтуецца праект па яго аднаўленні.

ЛІТАРАТУРА

1. Добровольская, О. Костел Святого Иосифа / О. Добровольская, С. Слепцов // Телеком-экспресс (Орша). – 2011. – 18 авг. – С. 31.

2. Касцёл дамініканцаў // Памяць: Орша. Аршанскі раён : гісторыка-дакументальныя хронікі гарадоў і раёнаў Беларусі : у 2 кн. / рэдкал.: Г. П. Пашкоў [і інш.] ; склад.: Т. Г. Ігнацьева [і інш.] ; мастак Э. Э. Жакевіч. – Мінск : БелЭн, 2000. – Кн. 2. – С. 461.

3. Кулагін, А. М. Касцёл святога Юзафа Абручніка і кляштар дамініканцаў / А. М. Кулагін // Каталіцкія храмы Беларусі / А. М. Кулагін ; фатограф А. Л. Дыбоўскі. – Мінск : БелЭн, 2008. – С. 275.

4. Никитина, О. 350-летие храма / О. Никитина // Народнае слова. – 1999. – 30 сак. – С. 4.

5. Оршанские монастыри // Оршеведение : производственно-практическое издание / В. В. Жуковский. – Орша : Оршанская типография, 2008. – С. 125–131.