Царква ў гонар Ражджаства Святога Іаана Прадцечы. Полацкі раён, г. Наваполацк

Подробности

Створана 23.10.2018 15:23

Адноўлена 27.11.2018 09:42

Царква пабудавана на беразе Заходняй Дзвіны ў 1990-я гг. з цэглы як хрысцільны храм.

Будынак вырашаны крыжовым у плане аб'ёмам. Працяглы цэнтральны неф накрыты вальмавым бляшаным дахам, над яго перакрыжаваннем з такімі ж дахамі бакавых прыдзелаў узведзены 8-гранны драўляны глухі барабан пад шлемападобным купалам. Уваход вылучаны 2-слуповым ганкам пад 2-схільным дахам. Пакрытыя шэрым тынкам фасады ў цокальнай частцы вылучаны «ізумрудным» рустам, расчлянёны вузкімі прамавугольнымі аконнымі праёмамі ў арачных нішах. Тарцы прыдзелаў і апсіды вылучаны трайной аркатурай аконных праёмаў. Унутры вылучаны прытвор з бакавымі каморамі. Сяродкрыжжа малітоўнай залы перакрыта корабавым драўляным скляпеннем. Апсіду вылучае 2-ярусны драўляны іканастас з разнымі царскімі варотамі.

Знаходзіцца на вуліцы Я. Коласа ў Наваполацку.

ЛІТАРАТУРА

1. Царква ў гонар Ражджаства святога Іаана Прадцечы // Праваслаўныя храмы Беларусі : энцыклапедычны даведнік / А. М. Кулагін ; маст.: З. Э. Герасімовіч, У. П. Свентахоўскі. – Мінск : БелЭн, 2007. – С. 292.