Касцёл Найсвяцейшай Троіцы. Верхнядзвінскі раён, в. Росіца

Подробности

Створана 22.10.2018 15:23

Адноўлена 10.01.2019 13:55

Касцёл Найсвяцейшай Троіцы знаходзіцца ў цэнтры вёскі Росіца, пабудаваны ў 1906 годзе з цэглы на месцы драўлянага парафіяльнага храма 1778 года, фундаванага разам з уніяцкай царквой М. Т. Лапацінскім. Пасля 1917 года зачынены, пасля савецка-польскай вайны 1919–1920 гг. вернуты католікам, дзейнічаў да Вялікай Айчыннай вайны, пасля якой выкарыстоўваўся ў гаспадарчых мэтах. Адкрыты і рэстаўрыраваны ў 1988 годзе.

Помнік архітэктуры неараманскага стылю. Трохнефавая 2-вежавая базіліка з шырокім трансептам і 5-граннай апсідай з сакрысціямі. Фасад 3-часткавай кампазіцыі – паміж высунутымі наперад бакавымі вежамі 2-гранны шчыпец. Такім жа шчыпцом завершаны прамавугольны партал арачнага ўваходнага праёма, над якім – акно-трыфорыум. Над бакавымі арачнымі ўваходамі – вокны-біфорыумы. Яруснасць і шматпланавасць франтальнаму фасаду надаюць бакавыя нізкія 5-гранныя эркеры. Цагляная архітэктура будынка насычана архітэктурнай пластыкай: шырокія лапаткі, аркатурныя фрызы, архівольты аконных праёмаў, карнізы з сухарыкамі.

ЛІТАРАТУРА

1. В Верхнедвинском районе реставрируют Сарьянский костел XIX века // Витебский проспект. – 2008. – 18 сент. – С. 6.

2. Дзвінская, С. Цярністы шлях да веры / С. Дзвінская // Дзвінская праўда (Верхнядзвінск). – 2012. – 3 жн. – С. 2.

3. Касцёл Найсвяцейшай Тройцы // Каталіцкія храмы Беларусі / А. М. Кулагін ; фатограф А. Л. Дыбоўскі. – Мінск : БелЭн, 2008. – С. 317.

4. Масловская, О. Награда за возрождение / О. Масловская // Витебские вести. – 2016. – 5 янв. – С. 3.

5. Маслоўская, В. Бог падарыў яго вёсцы / В. Маслоўская // Витебские вести. – 2014. – 22 марта. – С. 1, 4.

6. Маслоўская, В. «Святыя Юрый і Антоній, маліцеся за нас...» / В. Маслоўская // Витебские вести. – 2015. – 13 авг. – С. 23.

7. Пакульневіч, Я. Узор веры і мужнасці / Я. Пакульневіч // Дзвінская праўда (Верхнядзвінск). – 2002. – 22 лют. – С. 5.

8. Пастернак, Т. В Росице расцветут магнолии, или Как ксендз Чеслав обустраивает намоленную землю / Т. Пастернак // Народнае слова. – 2012. – 23 лют. – С. 16.

9. Ярошевич, К. Росица. Молитва из сердца просится / К. Ярошевич // Белорусская нива. – 2012. – 28 февр. – С. 7.