Касцёл Святога Юзафа. Браслаўскі раён, в. Барадзінічы

Подробности

Створана 22.10.2018 15:23

Адноўлена 24.01.2019 16:19

Касцёл Святога Юзафа знаходзіцца ў цэнтры в. Барадзінічы Браслаўскага раёна. Пабудаваны ў 1836 годзе.

Помнік архітэктуры позняга класіцызму. Прамавугольны ў плане аб'ём пад 2-схільным дахам, трохвугольны франтон якога на фасадзе завершаны 3-яруснай 8-граннай драўлянай званічкай. Канічны дах паўкруглай апсіды завершаны 8-граннай сігнатуркай. Сіметрыя фасада вылучана арачнымі праёмамі ўвахода і 2-х бакавых аконных праёмаў.

Атынкаваныя і пабеленыя элементы архітэктурнага дэкору кантрастна вылучаюцца на паліхромным фоне бутавай муроўкі. Франтон фасада запоўнены роспісам і скульптурай Мадонны ў арачнай экседры.

Зала храма перакрыта плоскай столлю. Цэнтральны 4-калонны і 2 бакавыя 2-пілястравыя алтары вырашаны ў стылі неакласіцызму са стылізаваным дарычным антаблентам. У цэнтральным алтары абраз Маці Божай Міласэрнай.

ЛІТАРАТУРА

1. Касцёл Святога Юзафа // Каталіцкія храмы Беларусі / А. М. Кулагін ; фат. А. Л. Дыбоўскі. – Мінск : БелЭн, 2008. – С. 25–26.

2. Касцёл Святога Іосіфа // Каталіцкія храмы на Беларусі : энцыклапедычны даведнік / А. М. Кулагін ; мастак І. І. Бокі. – Мінск : БелЭн, 2000. – С. 11–12.

3. Касцёл Святога Юзафа // Хрысціянскія храмы Беларусі на фотаздымках Яна Балзункевіча. Пачатак ХХ стагоддзя / уклад.: А. М. Кулагін, У. А. Герасімовіч. – Мінск : Ураджай, 2000. – С. 7.