Царква ў гонар Ражджаства Прасвятой Багародзіцы. Бешанковіцкі раён, в. Свяча
- Подробности
- Створана 23.10.2018 15:23
- Адноўлена 21.03.2019 15:10
Царква ў гонар Ражджаства Прасвятой Багародзіцы пабудавана ў 1895 г. з цэглы. Помнік архітэктуры сінадальнага накірунку рэтраспектыўна-рускага стылю. Чатырохчасткавая падоўжна-восевая прасторавая кампазіцыя фарміруецца папярочным прамавугольным аб'ёмам прытвора з 2-яруснай (васьмярык на чацверыку) шатровай званіцай над ім, кароткай трапезнай, кубападобнай малітоўнай залай з шатровым пакрыццём, прамавугольнай апсідай. Уваход вырашаны арачным праёмам у прафіляваным калонным партале. Прафіляванымі пластычнымі ліштвамі дэкарыраваны арачныя вокны. Са старажытнарускага царкоўнага дойлідства запазычаны цыбулепадобныя галоўкі, уразныя вуглавыя калонкі-бочкі, кілепадобныя ліштвы праёмаў званіцы. У дэкоры таксама выкарыстаны зубчастыя фрызы, прамавугольныя нішы і круглыя люкарны, магутны перыметральны антаблемент з прафіляваным карнізам на сухарыках.
|
ЛІТАРАТУРА
1. Адамовіч, І. Вачыма нашчадка былой даўніны / І. Адамовіч // Вечерний Витебск. – 2002. – 25 мая. – С. 7.
2. Подлипский, А. Храм в Свече / А. Подлипский // Народнае слова. – 2001. – 27 лістап. – С. 5.
3. Царква ў гонар Ражджаства Прасвятой Багародзіцы // Праваслаўныя храмы Беларусі : энцыклапедычны даведнік / А. М. Кулагін ; маст.: З. Э. Герасімовіч, У. П. Свентахоўскі. – Мінск : БелЭн, 2007. – С. 362–363.
СПАСЫЛКІ
