Царква Свята-Крыжаўзвіжанская. Глыбоцкі раён, в. Забелле

Подробности

Створана 08.10.2019 15:23

Адноўлена 08.10.2019 15:09

Царква знаходзіцца на могілках. Пабудавана ў XX ст. з дрэва. Прыпісана да Свята-Ражджаства-Багародзіцкага сабора г. Глыбокае.

Твор народнага дойлідства. Вырашана прамавугольным у плане зрубам пад вальмавым дахам, завершаным па цэнтры шатром з макаўкай. Да фасада далучаны прамавугольны ў плане прытвор пад 2-схільным дахам і бакавым уваходам. Фасады рытмічна расчлянёны прамавугольнымі аконнымі праёмамі ў простых ліштвах.

ЛІТАРАТУРА

1. Свята-Крыжаўзвіжанская царква // Праваслаўныя храмы на Беларусі : энцыклапедычны даведнік / А. М. Кулагін ; мастак І. І. Бокі. – Мінск : БелЭн, 2001. – С. 169.