Касцёл Найсвяцейшага сэрца Ісуса. Глыбоцкі раён, г. п. Падсвілле

Подробности

Створана 14.10.2019 15:23

Адноўлена 14.10.2019 09:36

Касцёл размешчаны ў г. п. Падсвілле на вул. Дварцовай. Пабудаваны ў 2000–2004 гг. з цэглы.

Вырашаны прамавугольным у плане аб'ёмам пад стромкім 2-схільным дахам. 3 правага боку фасада надбудавана 2-ярусная 4-гранная шатровая званіца. Па цэнтры фасада выступае рызаліт, вось сіметрыі якога адзначана арачным уваходным парталам і круглым акном-люкарнай над ім. Плоскасныя бакавыя фасады рытмічна расчлянёны арачнымі аконнымі праёмамі.

ЛІТАРАТУРА

1. Касцёл Найсвяцейшага Сэрца Ісуса // Кулагін, А. М. Каталіцкія храмы Беларусі / А. М. Кулагін ; фатограф А. Л. Дыбоўскі. – Мінск : БелЭн імя П. Броўкі, 2008. – С. 279.

2. Недведзь, Г. І ўзвысяцца вежы ў неба / Г. Недзведзь // Веснік Глыбоччыны. – 2000. – 1 лістап. – С. 2.