Касцёл Узвышэння Святога Крыжа. Глыбоцкі раён, в. Чарневічы

Подробности

Створана 22.10.2019 15:23

Адноўлена 22.10.2019 10:47

Касцёл Узвышэння Святога Крыжа знаходзіцца ў паўднёва-ўсходняй частцы вёскі. Пабудаваны ў 1920–1930 гг. з цэглы. Зачынены ў 1950 г., вернуты ў 1991 г., адноўлены да 1993 г.

Помнік архітэктуры з рысамі канструктывізму. Вырашаны працяглым прамавугольным у плане аб'ёмам пад 2-схільным дахам. Да фасада далучана магутная трох'ярусная 4-гранная шатровая званіца. Плоскасныя фасады рытмічна расчлянёны арачнымі аконнымі і ўваходнымі праёмамі, крапаваны вуглавымі лапаткамі.

ЛІТАРАТУРА

1. Касцёл Узвышэння Святога Крыжа // Каталіцкія храмы Беларусі / А. М. Кулагін ; фат. А. Л. Дыбоўскі. – Мінск : БелЭн, 2008. – С. 367.