Касцёл Маці Божай Шкаплернай. Мёрскі раён, в. Ідолта

Подробности

Створана 03.09.2020 15:23

Адноўлена 03.09.2020 15:57

Касцёл Маці Божай Шкаплернай у в. Ідолта пабудаваны ў 1939 годзе з цэглы і бутавага каменю. Знаходзіцца за 1 км на паўднёвы ўсход ад вёскі, каля шашы Мёры – Друя. Помнік архітэктуры неараманскага стылю.

Уяўляе сабой аднавежавы прамавугольны ў плане аб'ём з паўкруглай апсідай і 2 нізкімі сакрысціямі. Да галоўнага фасада асіметрычна прыбудавана квадратная ў плане вежа. Да яе прымыкае арачная галерэя. Фасады падзелены на 2 ярусы. У муроўцы ніжняга яруса выкарыстаны шліфаваны камень-валун, верхняга – белая цэгла. Спалучэнне гэтых матэрыялаў надае будынку фактурную і каляровую выразнасць. Плоскасныя бакавыя фасады рытмічна расчлянёны высокімі арачнымі аконнымі праёмамі. Унутраная прастора падзелена на 3 нефы 2 аркадамі, прасветы якіх адпавядаюць паўцыркульным аконным праёмам.

ЛІТАРАТУРА

1. Алісейчык, У. В. Касцёл / У. В. Алісейчык // Збор помнікаў гісторыі і культуры Беларусі. Віцебская вобласць / рэдкал.: С. В. Марцэлеў [і інш.]. – Мінск : БелСЭ імя П. Броўкі, 1985. – С. 308.

2. Вішнеўская, В. Юбілей касцёла / В. Вішнеўская // Міёрскія навіны. – 2009. – 25 ліп. – С. 3, 8.

3. Жарнасек, І. На скрыжаваннях сцежак і шляхоў / І. Жарнасек // Наша ніва. – № 1. – С. 32–39.

4. Идолта // Туристический путеводитель по Миорщине : [справочное издание] / [отв. ред. О. В. Молодечкин]. – Новополоцк : Издатель Молодечкин О. В., 2014. – С. 15.

5. Касцёл Бязгрэшнага Зачацця Найсвяцейшай Дзевы Марыі // Каталіцкія храмы на Беларусі : энцыклапедычны даведнік / А. М. Кулагін ; мастак І. І. Бокі. – Мінск : БелЭн, 2000. – С. 70.

6. Касцёл Маці Божай Шкаплернай // Каталіцкія храмы Беларусі / А. М. Кулагін ; фат. А. Л. Дыбоўскі. – Мінск : БелЭн імя П. Броўкі, 2008. – С. 160–161.

7. Сіўко, А. Ліст з Ідолты / А. Сіўко // Каталіцкі веснік. – 2015. – № 2 (люты). – С. 7.