Афганистан. Без права на забвение

Афганистан. Без права на забвение

Афганистан. Без права на забвение

Художники Витебщины

Художники Витебщины

Художники Витебщины

Сядзібна-паркавы комплекс Цюндзявіцкіх. Талачынскі раён, в. Галошава

Рэшткі сядзібна-паркавага комплексу Цюндзявіцкіх знаходзяцца на ўзгорку ў в. Галошава.

Калісьці ў панскім доме размяшчалася школа, а падчас Вялікай Айчыннай вайны – нямецкі гарнізон, які два разы атакавалі партызаны.

Дом Цюндзявіцкія пабудавалі ў 1897 годзе з уласнай цэглы, вырабленай на сваім цагельным заводзе. У сувязі з падзеямі 1917 года паны выехалі ў Польшу.

Галоўны ўваход вылучаны чатырма калонамі.

У доме размяшчалася веранда, пакоі для пражывання, кабінеты, сталовая, зала для прадстаўнічых мэт, бібліятэка з уласным экслібрысам. Мелася калекцыя твораў мастацтва ў выглядзе фамільных партрэтаў, напісаных алеем, халоднай зброі, антыкварных вырабаў з фарфору і старога срэбра.

Ацяпляўся з дапамогай адной печы праз дымаходы. А потым, «пры школе», сістэма ацяплення сапсавалася і замест яе ўсталявалі некалькі грубак.

Побач з домам былі ўзведзены гаспадарчыя пабудовы і жыллё для прыслугі, дзе пазней знаходзілася калгасная кантора, клуб і бібліятэка.

Ад сядзібы да возера вядзе алея, дзе захаваліся даволі рэдкія для Беларусі дрэвы – дзве лістоўніцы Сукачова і чатыры чорныя таполі. У возеры водзяцца карасі, шчупакі і акуні.

 

 Дом паноў Цюндзявіцкіх. Фотаздымак з сайта https://fotoobzor.wordpress.comРэшткі гаспадарчых пабудоў. Фотаздымак з сайта https://fotoobzor.wordpress.comДом паноў Цюндзявіцкіх. Фотаздымак з сайта http://www.fotobel.byДом паноў Цюндзявіцкіх. Фотаздымак з сайта http://www.fotobel.byДом паноў Цюндзявіцкіх. Фотаздымак з сайта http://www.fotobel.byДом паноў Цюндзявіцкіх. Фотаздымак з сайта http://www.fotobel.byРэшткі гаспадарчых пабудоў. Фотаздымак з сайта http://www.fotobel.byРэшткі гаспадарчых пабудоў. Фотаздымак з сайта http://www.fotobel.byАлея ля дома паноў Цюндзявіцкіх. Фотаздымак з сайта http://www.fotobel.by Дом паноў Цюндзявіцкіх. Фотаздымак з сайта http://www.fotobel.by Дом паноў Цюндзявіцкіх. Фотаздымак з сайта https://7dney.by

ЛІТАРАТУРА

1. Абрамовіч, С. Дом добрых паноў / С. Абрамовіч // Наша Талачыншчына. – 2009. – 29 жн. – С. 3.

2. Имение Тюндевицких // Друцк / О. Н. Левко [и др.] ; редкол.: А. А. Коваленя [и др.]. – Минск : Беларуская навука, 2014. – С. 554–555. – (Древнейшие города Беларуси).

3. Кавалеўскі, С. Галошаўскія легенды здольны зацікавіць тысячы турыстаў / С. Кавалеўскі // Народнае слова. – 2012. – 31 студз. – С. 7.

4. Кавалеўскі, С. Легенды Галошава / С. Кавалеўскі // Витебские вести. – 2013. – 23 нояб. – С. 10.

5. Цуприянович, М. Заповедные уголки моей маленькой Родины / М. Цуприянович // Наша Талачыншчына. – 2007. – 22 верас. – С. 4.