Маёнтак Чырвоны Двор. Шаркаўшчынскі раён, г. п. Шаркаўшчына

Подробности

Створана 10.03.2020 15:23

Адноўлена 10.03.2020 09:36

У XVIII–XIX стст. па суседству з мястэчкам Шаркаўшчына размяшчаўся маёнтак Чырвоны Двор. Зараз гэта раён вуліц Чырвонадворская, Чырвоная Горка і гарадскога парка. Да нашага часу захаваліся рэшткі велічы былога маёнтка: панскі дом, капліца, частка парка, пруды.

Спачатку маёнтак належыў Лапацінскім. Потым Чырвоным Дваром на працягу амаль 200 гадоў валодаў род паноў Багуцкіх. Росквіт маёнтка прыйшоўся на пачатак XX ст. Двухпавярховы белы будынак панскага дома на ўзвышшы, упрыгожаны балконамі і каланадай, аранжэрэя, галерэя з карцінамі знакамітых мастакоў таго часу, звярынец – вось толькі няпоўны спіс.

Сучасны стан жылога будынка вельмі дрэнны. Пасля перабудовы ад старога дома засталася толькі трэцяя частка. Часткова дом быў разабраны пасля вайны, затым да яго прыбудавана адно крыло.

Насупраць дома была пабудавана капліца. Ад панскай сядзібы да капліцы ішоў падземны ход, сцены якога былі выкладзены чырвонай цэглай. На жаль, падчас будаўнічых работ у 90-я гг. падзямелле было разбурана.

Каля капліцы размяшчаліся невялікія радавыя могілкі паноў Багуцкіх з жалезнымі надмагільнымі плітамі.

СПАСЫЛКІ

 Шаркаўшчынская цэнтралізаваная бібліятэчная сістэма. Мой родны кут 

 Шаркаўшчынскі раённы выканаўчы камітэт. Аб'екты матэрыяльнай культурнай спадчыны