Інсталяцыя «ГіПар». Полацкі раён, г. Наваполацк

Подробности

Створана 18.10.2018 15:23

Адноўлена 26.11.2018 11:54

У Міжнародны Дзень студэнтаў, 17 лістапада, у Полацкім дзяржаўным універсітэце адбылося адкрыццё незвычайнай інсталяцыі «ГiПар», якая размясцілася ля вучэбна-лабараторнага корпуса № 1.

Скульптурная кампазіцыя ўяўляе сабой візуалізацыю матэматычнай формулы – гіпербалічнага парабалоіда двайной крывізны Гаўса, якая прысвечана Году навукі і ўвасабляе сінтэз сучаснага мастацтва і навуковага пазнання.

Інсталяцыя была прыдумана і ўвасоблена ў жыццё розумам і рукамі супрацоўнікаў ПДУ. Ідэю падаў рэктар ВНУ Дзмітрый Лазоўскі. У якасці аўтара праекта выступіў дацэнт кафедры архітэктуры Віктар Лук'яненка.

Разлікі і выраб аб'екта ў натуральную велічыню ўзяў на сябе загадчык лабараторыі кафедры тэхналогіі і абсталявання машынабудаўнічай вытворчасці Іван Сопікаў.

Архітэктарам кампазіцыі стаў начальнік праектнага інстытута рэканструкцыі і будаўніцтва Андрэй Вярыга. Вялікую дапамогу аказалі інжынерна-тэхнічныя работнікі ўніверсітэта.

У Беларусі гэта адзіная скульптурная кампазіцыя, якая злучае сучаснае мастацтва і навуку. З аднаго боку – гэта інсталяцыя, з другога – візуальная рэалізацыя матэматычнай формулы.

ЛІТАРАТУРА

1. Малашеня, Л. «ГиПар» зовет в поиск / Л. Малашеня // Витебские вести. – 2017. – 23 нояб. – С. 20.

2. Ободова, А. Синтез науки и искусства / А. Ободова // Новополоцк сегодня. – 2017. – 24 нояб. – С. 14.