Скульптурная кампазіцыя «Юнацтва». Полацкі раён, г. Наваполацк
- Подробности
- Створана 18.10.2018 15:23
- Адноўлена 27.11.2018 09:28
Ідэя стварэння скульптурнай кампазіцыі з'явілася яшчэ ў 2011 годзе, які быў аб'яўлены годам моладзі, у Наваполацку.
У аснове кампазіцыі юныя хлопец і дзяўчына як увасабленне паміж імі добрага, светлага пачуцця – кахання. Адсюль і назва скульптуры – «Юнацтва». Фігуры атрымалі імёны ад жыхароў горада Валянцін і Валянціна.
Каб увасобіць ідэю ў жыццё, у Наваполацку праводзілася спецыяльная акцыя па зборы сродкаў, у якой прынялі ўдзел студэнты сярэдніх спецыяльных навучальных устаноў, Полацкага дзяржаўнага ўніверсітэта, моладзь горада, а таксама працоўныя калектывы прадпрыемстваў.
Аўтарам скульптуры стаў ураджэнец Наваполацка, скульптар Дзмітрый Аганаў.
Размяшчаецца кампазіцыя на дарожцы, якая вядзе ад басейна «Садко» да вуліцы Кірава.
|
ЛІТАРАТУРА
1. «Юность» // Новополоцкая азбука : информационный бюллетень / сост.: Е. В. Молодцова. – Новополоцк : Детская библиотека С. Я. Маршака, 2013. – С. 43–44.
2. Масловская, О. Он и Она / О. Масловская // Віцебскі рабочы. – 2012. – 30 кастр. – С. 1.
СПАСЫЛКІ
