Полацкі лясгас, ДЛГУ. Полацкі раён
- Подробности
- Створана 17.05.2017 12:23
- Адноўлена 28.11.2017 07:50
| Сучасная назва |
ДЛГУ «Полацкі лясгас» |
| Тып | дзяржаўная лесагаспадарчая ўстанова |
| Дата заснавання | 1963 |
| Месца знаходжання |
Віцебская вобл., Полацкі р-н, г. Полацк |
| Галіна | лясная, дрэваапрацоўчая і цэлюлозна-папяровая |
| Афіцыйны сайт | www.polotskleshoz.by |
ДЛГУ «Полацкі лясгас» – адзін з самых буйных у нашай краіне. Плошча яго ляснога фонду складае 124,9 тысячы гектараў, разліковая лесасека па галоўным карыстанні – 116,7 тыс. метраў кубічных (24,2 тыс. метраў кубічных – у цяжкадаступных месцах).
У склад лясгаса ўваходзіць 12 лясніцтваў, перапрацоўчы цэх, 41 майстэрскі ўчастак, 181 абход.
Дзейнічае адзін з лепшых у краіне пітомнікаў плошчай 26 гектараў. У ім вырошчваецца не толькі стандартны пасадачны матэрыял лясных культур (елка, сасна, дуб летні, клён вастралісты, ясень ланцэтавідны, ясень зялёны), але і дэкаратыўныя расліны: елка колкая, каштан конскі, акацыя жоўтая, спірэя сярэдняя. За пасадачным матэрыялам прыязджаюць не толькі з усёй Беларусі, але і з Расіі.
У лясгасе вядзецца дагляданне за ляснымі культурамі на плошчы 2 тыс. гектараў. Вырубка, уход за маладняком ажыццяўляецца на плошчы 842 гектары. Пасадкай і лесаўзнаўленнем ахоплена больш за 290 гектараў.
Вядзецца нарыхтоўка драўніны для патрэб прадпрыемстваў, арганізацый, насельніцтва, а таксама на экспарт. Прадукцыя экспартуецца ў Польшчу, Прыбалтыку, Венгрыю, Украіну, Кітай.
ЛІТАРАТУРА
1. Грибович, И. Ф. А лес растет / И. Ф. Грибович // Народная газета. – 2009. – 20 студз. – С. 6
2. Заградский, В. Приумножать богатство лесов / В. Заградский // Народная газета. – 2012. – 29 лют. – С. 12.
3. Капустина, Л. Достойный труд –залог успеха / Л. Капустина // Белорусская лесная газета. – 2009. – 25 июня. – С. 5.
4. Капустина, Л. «Путевку»в жизнь лесам дает питомник / Л. Капустина // Белорусская лесная газета. – 2009. – 25 июня. – С.5.
5. Полоцкий лесхоз // Витебское ГПЛХО. Охотничьи хозяйства Витебщины : [буклет] / [отв. за вып. А. Павловский]. – Витебск : Витебскаяобластнаятипография. – 2013. – С. 20–21.
6. Филимонова, Т.Высокое призвание / Т. Филимонова // Полацкі веснік. – 2015. – 18 верас. – С. 1.
