Аршанскі лясгас, ДЛГУ. Аршанскі раён
- Подробности
- Створана 03.10.2017 12:23
- Адноўлена 05.10.2017 11:39
| Сучасная назва | ДЛГУ «Аршанскі лясгас» |
| Тып | дзяржаўная лесагаспадарчая ўстанова |
| Дата заснавання | 1936 |
| Месца знаходжання | Віцебская вобласць, Аршанскі раён |
| Галіна | лясная, дрэваапрацоўчая і цэлюлозна-папяровая прамысловасць |
| Сайт | http://orshales.by/ |
ДЛГУ «Аршанскі лясгас» арганізаваны ў 1936 годзе на базе лясоў Аршанскага леспрамгаса ў складзе Высокскага, Шчэрбінскага, Аршанскага, Дняпроўскага, Дубровенскага і Копыскага лясніцтваў, агульнай плошчай 46675 га.
Першае лесаўпарадкаванне было праведзена ў 1936 годзе, затым ў 1950, 1961, 1973, 1983, 1993 і 2006 гадах. У працэсе развіцця лясгаса колькасць лясніцтваў змянялася, пры гэтым плошча лясгаса пастаянна павялічвалася за кошт зямель, якія перадаваліся прадпрыемствамі сельскай гаспадаркі і некаторымі іншымі ўладальнікамі.
Размешчаны ў паўднёва-ўсходняй частцы Віцебскай вобласці на тэрыторыі чатырох раёнаў: Аршанскага (53,9 %), Дубровенскага (45,6 %) Віцебскай вобласці, Шклоўскага (0,3 %) і Горацкага (0,2 %) Магілёўскай вобласці. Працягласць тэрыторыі лясгаса з поўначы на поўдзень – 62 км, а з усходу на захад – 71 км.
Тэрыторыя лясгаса размяшчаецца ў басейнах рэк Днепр і Заходняя Дзвіна. На тэрыторыі лясгаса знаходзяцца 14 азёр і 35 рэк, якія праходзяць па тэрыторыях усіх лясніцтваў. Тэрыторыя Аршанскага лясгаса ставіцца да зоны змешаных лясоў.
Лясгас знаходзіцца на Аршанскім ўзвышшы і ў заходняй частцы Смаленскага ўзвышша. Акрамя ўзвышшаў і пагоркаў ёсць балоты.
На тэрыторыі лясгаса праходзіць шэраг чыгунак і аўтамабільных дарог міждзяржаўнага, рэспубліканскага, абласнога і мясцовага значэння.
ЛІТАРАТУРА
1. Борисова, А. Хозяйка лесных угодий / А. Борисова // Аршанская газета. – 2017. – 7 сак. – С. 2.
2. Быньков, А. На разных континентах за полчаса можно побывать, посетив дендропарк Копысского лесничества / А. Быньков // Витебские вести. – 2015. – 3 сент. – С. 22.
3. Квиткевич, А. Главное – безопасность труда и жизни / А. Квиткевич // Белорусская лесная газета. – 2014. – 23 окт. – С. 7.
4. Лебедева, О. Всегда в передовиках / О. Лебедева // Витебские вести. – 2017. – 25 марта. – С. 2.
5. Лебедева, О. Ставка на модернизацию / О. Лебедева // Витебские вести. – 2016. – 3 сент. – С. 4.
6. Лебедева, О. Стать лучшими непросто / О. Лебедева // Витебские вести. – 2015. – 8 сент. – С. 3.
7. Людмина, Л. Оршанский лесхоз – лучший экспортер страны / Л. Людмина // Аршанская газета. – 2017. – 30 мая. – С. 1.
8. Меньше леса, больше дров / подгот. Е. Сыс // Віцебскі рабочы. – 2011. – 22 дек. – С. 9.
9. Суходолов, С. В. Спасатели природы / С. В. Суходолов ; беседовала Л. Людмина // Аршанская газета. – 2013. – 14 верас. – С. 2.
